Friday, February 27, 2009

အသိမဲ့ရစ်နှောင်တွယ် (ဇာတ်သိမ်း)

Photo Credit to Daniel Marinho
(၆)

တနေ့ ကင်တင်းမှာထိုင်နေတုန်း နင့်သူငယ်ချင်းနဲ့ပေးလိုက်တဲ့ ပန်းချီပြခန်းဖွင့်ပွဲဖိတ်စာလေး ငါ့လက်ထဲရောက် လာတယ်။ ဖိတ်စာပေါ်က ငါ့နာမည်ရေးထားတဲ့ နင့်လက်ရေးလှလှကို ခဏလေးငေးမိရင်း နင့်ကိုအရမ်း သတိရသွားတယ်။ အထဲမှာ နင် ကြိုက်တဲ့ ကဗျာအပိုင်းစလေး နဲ့ ရေးထားတဲ့ စာလေးကို သဘောကျလွန်းလို့ ခုထိ အဲ့ဒီဖိတ်စာလေးကို သိမ်းထားသေးတယ်။

" ခင်မင်ရသော မွန်း…

တကယ်ဆိုတစင်းလာရေး
ရင်ခုန်သံတွေ စတေးလိုက်ရတာ
တမာရွက်တွေတောင် ပင်လယ်ဖြစ်။
(လင်းနွေးအိမ်-ကန္တာရဘူတာရုံ)

အိပ်မက်တစင်းအတွက်ရင်းလိုက်တဲ့ ရင်ခုန်သံတွေနားထောင်ဖို့ အရောက်လာစေချင်တယ်။

ကောင်းထက်"


အိပ်မက်တွေတစင်းမက နင်မက်ခဲ့စဉ်တုန်းက အနားမှာအားပေးဖော်ဖြစ်တဲ့ ငါက .. ဒီလိုစာလေး မရခဲ့လည်း နင့် အောင်မြင်မှုတွေကို ဂုဏ်ပြုဖို့အတွက် အရောက်လာခဲ့မှာပါသူငယ်ချင်းရယ်။

နှစ်ထပ်တိုက်လေးရဲ့အောက်ထပ်မှာဖွင့်ထားတဲ့ ပြခန်းလေးရဲ့ အရောင်အပြင်အဆင်တွေကိုကြည့်တာနဲ့ နင်ပဲ စိတ်ကြိုက်မွန်းမံထားတယ်ဆိုတာ ငါသိတယ်။ နံရံမှာလည်း နင့်ရင်ခုန်သံ ပန်းချီကားတွေပဲ အများဆုံး ချိတ်ဆွဲ ထားတယ်။ ဒီတခါတော့ ကောင်မလေးက ဘေးမှာကြွေရုပ်လေးတရုပ်လိုလှလှလေးရပ်ရင်း လာသမျှ လူတွေကို ဧည့်ခံနေတယ်ဲ။ နားလည်မှုတွေတော်တော်လေးရနေပြီပဲလို့ အတွေးမဆုံးခင်မှာ ကောင်မလေး အဖေက ဒီပြခန်းကို ငွေစိုက်ထုတ်ပြီးဖွင့်ပေးခဲ့တယ်၊ နင့်ကိုလည်း အပေါ်ထပ်မှာ ပန်းချီဆွဲဖို့ စတူရီယိုပါဆောက်ပေးထား တယ်ဆိုတဲ့ အကြောင်းတွေကို နင့်သူငယ်ချင်းတယောက်က လက်တို့ပြောသွားလေရဲ့။ နင် ဒီလောက်ထိတောင် စည်းရုံးရေးကောင်းပါ့မလားလို့ ငါကတော့ ဇဝေဇဝါတွေးနေမိတယ်။

ငါ့ကိုတွေ့တော့ ပြာပြာသလဲအနားရောက်လာတဲ့ နင် က သပ်သပ်ရပ်ရပ်နဲ့ အရင်ကလို ပိုသီပတ်သီ မဟုတ်တော့ပြီ နောက်ပြီး လွယ်နေကြ လွယ်အိတ်ကြီးလည်း နံဘေးမှာရှိမနေတော့။ ဒီလိုဆိုတော့ ငါ့ ရဲ့နင်က နင်မမည်တော့တဲ့ တစိမ်းတယောက်ဖြစ်နေတယ်။ ဝမ်းနည်းမှုနဲ့ နှမြောမှုပါ ပေါင်းပြီး ငါ့မျက်ဝန်းတွေ ဝေသီလာတယ်။

ဟန်ဆောင်ထိမ်းထားရတာ ပင်ပန်းလွန်းတော့ ပြန်တော့မယ်လို့ နင့်ကို သွားနှုတ်ဆက်တဲ့အခါ ပန်းချီကား တွေ စုံအောင်ကြည့်ပြီးရဲ့လားလို့ ငါ ညာတော့မှာကို သိသိကြီးနဲ့ နင်မေးသေးတယ်။ နောက်တော့ အလိုက်တသိနဲ့ ပြခန်းအပေါက်ဝ အထိ ဘာစကားမှမဆိုပဲလိုက်ပို့ပေးခဲ့တယ်။ ကျောခိုင်းထွက်ခဲ့တော့ ငါ့စိတ်ထဲမှာ ဆန့်ကျင် ဘက် အရပ်ဆီကို အပြီးအပိုင်ထွက်ခွာခဲ့သူလိုခံစားမိတယ်။ ပြန်လှည့်ကြည့်မိသူ ရှုံးစတမ်းဆိုရင် တောင် အရှုံးကို ငါကျေကျေနပ်နပ်ခံယူလိုက်ချင်ပါတယ်။

(၇)

ကျောင်းပြီးလို့ လုပ်ငန်းခွင်ထဲဝင်နေပြီဖြစ်တဲ့ ငါ ဟာ မေ့ပျောက်သွားတာ မဟုတ်ပေမဲ့ အရင်လိုတော့ အမြဲ လွမ်းမနေနိုင်တော့ဘူး။ လုပ်ငန်းခွင်ထဲက သူငယ်ချင်းအသစ်တွေနဲ့ ဘဝကို ဖြတ်သန်းနေလိုက်တာ သက္ကရာဇ်အသစ်တခု နံရံပေါ်လာချိတ်ဆွဲသည်အထိပဲ။ တနေ့တော့ ငါတို့ရုံးကလူတွေ ပုဂံကိုစုပြီးဘုရားဖူး ထွက် ကြမယ်တဲ့။ ရုံးက အမကြီး ကိုခေါ်ပြီး ကားဌားဖို့ကိစ္စအတွက် မြို့ထဲကိုရောက်တော့ နင်ထိုင်တတ်တဲ့ လက်ဖက် ရည်ဆိုင်ဘက်ကို ရောက်အောင်သွားခဲ့တယ်။

အကြောင်းမသိတဲ့ အမကြီးကတော့ ကားဌားတဲ့ကုမ္ပဏီဘေးမှာ လက်ဖက်ရည်ဆိုင်ရှိတာကို မသောက်ပဲ နှစ်လမ်းကျော်က လက်ဖက်ရည်ဆိုင်ခန်းကျဉ်းလေးကိုခေါ်လာတဲ့ ငါ့ကို နည်းနည်းတော့မကြည်ဘူး။ ငါက ကိုယ့်အကြံနဲ့ ကိုယ်လေ…နင့်ကိုတွေ့ရင် ရုံးကိစ္စနဲ့လာတယ်ပေါ့။ သက်သေက ဟိုအမကြီးကို ထိုးပြလိုက်ရုံပဲ။ ဒါပေမဲ့ တွေ့ချင်တဲ့သူကို မတွေ့ပဲ နင့်သူငယ်ချင်းတယောက်ကိုပဲတွေ့ခဲ့ရတယ်။ သူပြောပြလို့ သိလိုက်ရတဲ့ နင့် အကြောင်းတွေက နားထောင်ကောင်းတာတခုမှမပါဘူး။

အနုပညာကို စက်ရုံထုတ်ပစ္စည်းတခုလိုထုတ်လုပ်စေချင်တဲ့ ကောင်မလေးရဲ့ အသိုင်းအဝိုင်းနဲ့ နင် သဟဇာတ မဖြစ်ဘူးတဲ့၊ ပြခန်းမှာ ပန်းချီကားတချပ် ရောင်းရင်ပေးရတဲ့ ကော်မရှင်က တခြားပြခန်းတွေထက်ပိုများနေတာနဲ့ ပတ်သက်ပြီး ကောင်မလေးအဖေနဲ့ ပြဿနာဖြစ်တယ်ဆိုတာရယ်၊ နင့်မျက်နှာနဲ့ပန်းချီကားလာတင်တဲ့ ပန်းချီ ဆရာတွေအပေါ် ယောက္ခမလောင်းကြီးရဲ့ စီးပွားရေးဆန်လှတဲ့အပြောတွေကြောင့် နင်မျက်နှာပျက်ရတာ တွေ။ ဘယ်သူ နဲ့မှ သိပ်အဆက်အဆံ မရှိတော့ပဲ အခုအရင် အိမ်ဟောင်းလေးမှာ ပဲပြန်နေရင်း အရက်တွေချည်း ဖိသောက်တယ် ဆိုတဲ့ အကြောင်းတွေကု စိတ်မသက်မသာ ကြားခဲ့ရတယ်။

ရုံးနဲ့ ခရီးထွက်ဖို့ပြင်ဆင်ပြီးဖြစ်နေတာနဲ့ နင့်ဆီကို ငါ မရောက်ခဲ့နိုင်ဘူး။ ပုဂံမှာနေခဲ့ရတဲ့ ၁၀ ရက်အတွင်းမှာ စိတ်ကနင့်ဆီပဲရောက်နေတယ်။ ပုဂံကပြန်ရောက်တော့လည်း ငါတို့ဌာနရဲ့ အလုပ်အရှုပ်ဆုံး လကုန်ရက် ဖြစ်နေတာမို့ နင့်ဆီကို မရောက်ဖြစ်ခဲ့ပြန်ဘူး။ ဒီလို နင့်အတွက်အချိန်မပေးနိုင်ခဲ့ခြင်းဟာ ငါ့ဘဝမှာ ပထမဆုံး အကြိမ်ဖြစ်ပြီး ပြန်တွေးမိတိုင်း အနားမှာမနေပေးခဲ့တဲ့ ငါ့ကို ခွင့်လွှတ်ဖို့ တောင်းပန်ချင်တယ် သူငယ်ချင်းရယ်။

နက်ဖြန် နင့်ဆီသွားမယ်လို့ စီစဉ်ထားတဲ့ညက အိပ်လို့မပျော်ခဲ့ဘူး။ တွေ့စတုန်းက အကြောင်းတွေကို ပြန်တွေးပြီး တယောက်ထဲ ပြုံးမိတယ် နောက် နင်လက်ဆောင်ပေးခဲ့တဲ့ပန်းချီကားလေးရှိရာ နံရံဘက်ကိုလည်း အမှောင် ထဲမှာခဏခဏကြည့်မိတယ်.။ ငါ့ရင်နဲ့ ရင်းပြီးရေးခဲ့ရတဲ့ လွမ်းချင်းကဗျာရှည်တပုဒ်ကို နင့်ရှေ့မှာခြေစုံရပ် ဟစ်ကြွေးပြဖို့ အရောက်လာခဲ့မယ်…. စောင့်နေတော့ သူငယ်ချင်းရေ။


(၈)

အဲ့ဒီနေ့ မနက်က မိုးတွေစွေနေတယ်။ ညထဲက ရွာထားတဲ့မိုးဟာ မနက်အထိ တဖျောက်ဖျောက်နဲ့ ရွာလို့ကောင်း တုန်းပဲ။ အိမ်ကအထွက်မှာ ကားဘီးလေလျော့နေလို့ လမ်းထိပ်မှာလေဝင်ထိုးရတာ မိနစ်ပိုင်းလေးပေမဲ့ စိတ်စော နေတဲ့ငါ့အတွက်တော့ နာရီဝက်လောက်နောက်ကျနေပြီထင်မိတယ်။ မိုးရွာနေလို့ ကားကိုထိန်းမောင်းနေရတာ ကိုလည်း ငါက စိတ်မရှည်ချင်ဘူး။ နင့် အိမ်ရှေ့ကိုရောက်မှပဲ သက်ပြင်းချနိုင်တော့တယ်။

အိမ်လေးက အရင်တုန်းကအတိုင်းပဲ မပြုမပြင်ယိုင်နဲ့နဲ့ ဖွင့်ထားတဲ့ပြူတင်းပေါက်က ခန်းဆီးစတွေလေနဲ့အတူ လွင့်နေတာတွေ့တော့ အိမ်ထဲမှာ နင်ရှိနေတယ်ဆိုတာသေချာသွားတယ်။ ခြံတံခါးကို တွန်းဖွင့်ပြီး လမ်းလျှောက်ဖို့ ခင်းထား တဲ့ အုတ်နီခဲလေးတွေပေါ်ခြေချမိတော့ Don McLean's ရဲ့ Starry Starry Night သီချင်းကို သဲ့သဲ့ကြား ရတယ်။ နင် ပန်းချီဆွဲနေတာထင်တယ်။ အိမ်ရှေ့ကပြင်ကိုရောက်တော့ အိမ်ထဲကိုတန်းမဝင်ချင်တာနဲ့ နင့်ကိုအော် ခေါ်လိုက်တယ်။ ဘာမှပြန်ထူးသံမကြားတော့ အိမ်ထဲကိုဝင်လာခဲ့မိတယ်။

နင် ပန်းချီဆွဲနေကြအိမ်နောက်ဖက် အခန်းရှေ့ကိုငါရောက်တော့ ထိုင်ခုံမှာကျောခိုင်းထိုင်နေတဲ့ နင့်ကိုတွေ့တယ် ရှေ့မှာလည်း ဆွဲလက်စပန်းချီကားတချပ်။ ပန်းချီကားရယ်…. နင်ရယ်….. ပြူတင်းပေါက်ကလွင့်နေတဲ့ ခန်းဆီးစရယ်… သီချင်းသံရယ်….. ရုတ်တရက်တစုံတခုကို ငါသတိထားလိုက်မိတယ်။ နင့်လက်တွေက ထိုင်ခုံလက်ယမ်းဘေးမှာ တွဲလောင်းကျနေတယ်။ တကိုယ်လုံးသိမ့်ကနဲတုန်ခါသွားလောက်အောင် ငါ့နှလုံးသား ဖျတ်ခန ခုန်လိုက်တာများ လည်ပင်း ကနေတောင်ခုန်ထွက်သွားတော့မတတ်။

ထိုင်ခုံရှိရာကို ငါတဟုန်ထိုးပြေးသွားမိတယ် စုတ်တံတွေတင်တဲ့စားပွဲလေးကို ဝင်တိုက်မိလို့ စုတ်တံတွေ ကြမ်းပေါ် ပြန့်ကျဲကုန်တယ်။ ငါဘာကိုမှ ဂရုမထားမိတော့ဘူး နင့်မျက်လုံးတဖက်တလေများ ပွင့်လာလေမလားလို့ နာမည်ကိုသာ ပလုံးပထွေးခေါ်နေမိတယ်။ နောက်တောမှ့ ဘေးအိမ်ကို လှမ်းအကူအညီတောင်းဖို့ ငါသတိဝင် လာတယ်။

လမ်းထဲမှာရှိတဲ့ဆရာဝန် အိမ်ပေါ်ရောက်လာတော့ နင့်ကိုစမ်းသပ်ပြီး အသက်မရှိတော့ဘူးလို့ မှတ်ချက် ချလိုက်တယ်။ မဟုတ်ဘူး ….. ဒါဘယ်လိုမှ မဖြစ်နိုင်ဘူး ဆေးရုံသွားမယ်ဆိုပြီး ငါက အကြောက်အကန် ငြင်းနေတော့ ပညာကိုစော်ကားခံရတယ်လို့ယူဆတဲ့ ဆရာဝန်က ကလေးမ သူအသက်ရှုတာကို ဘယ်အချိန် က နောက်ဆုံး မြင်လိုက်လဲလို့ ငါ့ကိုပြန် မေးခွန်းထုတ်လေရဲ့။

နင့်ကို ငါပွေ့ထားချိန်မှာ အသက်ငွေ့ငွေ့ရှု နေသေးလားဆိုတာ တကယ်တော့ ငါလည်းသိပ်သေချာမနေခဲ့ဘူး။ ဘာလို့လည်း ဆိုတော့ နင့်ခန္ဓာကိုယ်ဟာ ငါကောက်ပွေ့လိုက်ချိန်မှာ သက်ပြင်းတချက်ရှိုက်ရင်း ငြိမ်သက်သွားခဲ့ တာသတိထားမိရက်နဲ့ ငါကိုယ့်ကိုကိုယ် ညာမိတာပါ။ ငါလှမ်းအကြောင်းကြားလို့ နင့်သူငယ်ချင်း တချို့ရောက် လာ တယ်။ ငါကတော့ ထောင့်တထောင့်မှာ ထိုင်ပြီး လက်ပေါ်ပွေ့လိုက်တုန်းက နင့်ကိုယ်ငွေ့နွေးကို ပြန်သတိရမိ တော့…… နင် ငါ့ကို စောင့်နေတာ
များလား….။

တွေ့ရင်ပြောမယ်လို့ စဉ်းစားခဲ့တဲ့ ငါ့စကားတွေ အားလုံး ဒီမိုးဒီလေထဲမှာ ပျောက်ကွယ်သွားရတော့မှာလား။ နင့်ရုပ်ကလပ်ကို ရေခဲတိုက်က ကားလာသယ်တော့ မိုးတွေကသည်းသည်းရွာနေခဲ့တယ်။ ကားထွက်သွားတော့ အ်ိမ်ရှေ့ကပြင်မှာ ငါတယောက်ထည်းထိုင်နေရင်း ရှေ့ကိုငေးမိတော့ အုတ်လှေကားလေးပေါ်မှာ ချွတ်ထားတဲ့ ပိုင်ရှင်မဲ့ကတ္တီပါဖိနပ် အမည်းလေးကို သတိထားမိလိုက်တယ်။

ဒီဖိနပ်လေးရဲ့ပိုင်ရှင်ကတော့ ခရီးရှည်တခုထပ်ထွက်ခွာဖို့ ကမ္ဘာမြေကို နှုတ်မဆက်ပဲတိတ်တဆိတ်ထွက်သွားခဲ့ပြီ ။ သူဟာ အောင်မြင်မှုတွေကို စက်ဆုတ်သွားခြင်းလား၊ လှည့်စားတတ်တဲ့အချစ်ကို စိတ်ကုန်သွားခြင်းလား၊ ဒါမှ မဟုတ်အသိမဲ့ရစ်နှောင်တွယ်မိသူတဦးအပေါ် တသက်တာတမ်းတကာနေစေတော့ရယ်လို့ အလွမ်းခြေရာ ချန်ထားခဲ့ခြင်းလေလားဆိုတဲ့ အဖြေသူမဲ့မေးခွန်းများသာ ရင်ထဲမှာ…အကြိမ်ပေါင်းများစွာမေးနေမိတော့တယ်။


စိုးသင့်ဆွေ
ဖေဖော်ဝါရီလ ၂၇၊ ၂၀၀၀၉
နံနက် ၁း၅၅ မိနစ်

Read More...

Monday, February 23, 2009

အသိမဲ့ရစ်နှောင်တွယ် (၂)

Photo Credit to Lars Sundström



(၃)

ငါတို့နှစ်ယောက်ကို အမြဲတတွဲတွဲတွေ့ဖန်များတော့ ချစ်သူစုံတွဲဖြစ်သွားပြီလို့ အားလုံးက သတ်မှတ်လာကြတယ်။ အရင်းနှီးဆုံးသူငယ်ချင်းတွေကတောင် နားမလည်နိုင်ပဲ နောက်ပြောင်လာကြတဲ့အခါ၊ နှစ်ယောက်လုံး တန်ဖိုးထား တဲ့ အရာတခုကို ကာကွယ်တဲ့ ဖြေရှင်းချက်မျိုးထပ်တလဲလဲပေးနေရတာကြာတော့ စိတ်ကုန်ခမ်းလာတဲ့အခါ ထင်ချင်သလိုသာထင်ဆိုပြီး နေသာသလိုငါတို့ပျော်ခဲ့ကြတယ်။

တနေ့တော့…ပန်းချီပြခန်းမှာတွေ့လာခဲ့တဲ့ ကောင်မလေးတယောက်အကြောင်းကို ပြန်ပြောပြနေတဲ့ အသံထဲ မှာ နင့်ရဲ့အချစ်တွေကို ငါမြင်လိုက်ရတယ်။ နင့်ရဲ့နှုတ်ခမ်းတွေဟာ စိတ်လှုပ်ရှားရလွန်းလို့ တုန်ရီနေတာကို အဲဒီ ကောင်မလေး မြင်စေချင်လိုက်တာ။ ငါကတော့ ကောင်မလေး သွားလေရာနောက်ကို တကောက် ကောက်လိုက် ပါတော့မဲ့ ကတ္တီပါဖိနပ်အမည်းရောင်ဝတ် ခြေထောက်ဖွေးဖွေးလေးတစုံကို မဆီမဆိုင်နှမြောနေမိတယ်။

နောက်များမကြာမီမှာ နင်တို့နှစ်ယောက် ချစ်သူတွေဖြစ်သွားခဲ့တယ်.. သိပ်ကိုလှပတဲ့ချစ်သူလေးကို နင့်မှာ ထားစရာနေရာမရှိအောင်ဖြစ်နေခဲ့တယ်။ ငါ့မှာတော့ အပျော်တွေကူးစက်ရင်း တပြိုင်နက်ထဲမှာ တခုခုကိုဆုံးရှုံး သွားရမှန်း သိရက်နဲ့မသိချင်ဟန်ဆောင်ထားခဲ့တယ်။ အနားမှာ အရင်ကလို နင် အမြဲတမ်းရှိမနေတဲ့ရက်တွေ နောက်ပိုင်း ပိုများများလာခဲ့တယ်။ ဒီလိုနဲ့ အသည်းကွဲသွားတဲ့မိန်းကလေးတယောက်လို့ လူတွေရဲ့ စုတ်သပ်သံ တချို့ကိုကျောခိုင်းရင်း မလွမ်းပဲနေတတ်အောင်ကြိုးစားခဲ့တယ်။ လွမ်းတယ်ဆိုတာ သမီးရည်းစားတွေအတွက်သာ သီးသန့်ထားတဲ့စကားလုံး မဟုတ်တဲ့အတွက် နင့်ကိုငါ .. တမ်းတမ်းတတ… လွမ်းခဲ့တယ်ဆိုတာ ဝန်ခံပါတယ်။

နင်လည်း ပန်းချီကားတွေကိုပြပွဲတင်ဖို့ကြိုးစားဆဲ…တခါတခါ နင်တို့နှစ်ယောက် ငါ့ဆီရောက်ရောက်လာတယ်။ အရင်ကလို မဟုတ်ပဲ နင်နဲ့ငါ့ကြားမှာ တစိမ်းဆန်သွားစေတဲ့ ကောင်မလေးကို ဟန်ဆောင်ပြုံးပြရတာ ပင်ပန်းလွန်း လို့ နင်ငါ့ဆီဘယ်တော့မှ မလာပါစေနဲ့လို့ တိတ်တိတ်ဆုတောင်းမိတယ်။ နောက်ပြီး ငါ့ကို ပြိုင်ဘက်တယောက်လို့ သတ်မှတ်ထားတဲ့ ကောင်မလေးရဲ့မျက်ဝန်းတွေဟာ ငါ့ကိုအနေရခက်စေတယ်။ ငါကတော့ ပြိုင်ဘက်မဟုတ်ပါပဲနဲ့ ရှုံးနှိမ့်လိုက်ရတာကို မကျေမနပ်ဖြစ်မိတယ်။ ယှဉ်ပြိုင်ခွင့်လေးတောင်မှမရပဲ ဘောင်ခတ်ခံလိုက်ရတဲ့ ဆက်ဆံရေး တခုကို တကယ်မလိုချင်တော့တဲ့ အဆုံး နင်နဲ့ မတွေ့အောင်ငါရှောင်တတ်လာတယ်။

နင်ကတော့ .. ပြပွဲအတွက် မအားတဲ့ကြားထဲက အတန်းထဲအထိလိုက်လာပြီး ငါ့ကိုလာရှာတတ်တယ်။ ပန်းချီကား အသစ်တွေဆွဲထားတာကို လိုက်ကြည့်ဖို့ အိမ်လည်ခေါ်တာကို ငါ မလိုက်ပဲငြင်းဆန်နေတော့။ ပန်းချီကားချပ်ကြီး ကို ကျောင်းအထိ တကူးတကသယ်လာတဲ့အခါမှာ တစိမ်းဆန်လိုက်မိတဲ့ ကိုယ့်ကိုကိုယ်အပြစ်တင်မိတယ်။ အဲဒီတုန်းက နင်ရေးသမျှကားတွေမှာ ပန်းခရမ်းရောင်တွေများလှချေလားလို့ ဝေဖန်တော့ အဝေးကို ငေးရင်း ဖြေရှင်းချက်မပေးပဲ နင် နှုတ်ခမ်းကွေးညွတ်ရုံသာပြုံးခဲ့တယ်။ အချစ်ဆိုတာ အရာအားလုံးကိုပြောင်းလွဲသွား အောင် ဖမ်းစားနိုင်တယ်နော်။


ချမ်းသာတဲ့ အသိုင်းအဝိုင်းက ကောင်မလေးဟာ ဘဝဆန်တဲ့ နင့်ကို နားမလည်ပေးနိုင်တဲ့ အခါ… နင်ငြီးငြူသမျှ ကို မငြီးငွေ့ပဲ နားထောင်ပေးတတ်တဲ့ ငါ့ဆီကိုအပြေးလာပြီးရင်ဖွင့်လေ့ရှိတယ်။ ဟိုကစိတ်ကောက်ပြီး စကားမပြော ရင် ကောင်မလေးဆီကိုဖုန်းဆက်ပြီးပြေရာပြေကြောင်းပြောဖို့ ကြားဝင်ခိုင်းတတ် ပြန်သေးတယ်။ ကောင်မလေး ရဲ့ မာဆပ်ဆပ်ပြောဆိုသံကို နားကလောလှတဲ့ငါက ဖုန်းမဆက်ချင်ပေမဲ့လည်း .. ခံစားနေရတဲ့ နင့်မျက်နှာကို ကြည့်ပြီး မဆက်ပေးဘူးလို့ ပြောမထွက်ခဲ့ဘူး။ နင်ကသိပ်ချစ်လို့ အလျော့ပေးလိုက်တဲ့အခါ အနိုင်ယူတတ်တဲ့သူ့ ဆီက နားလည်မှုရဲ့ ဆန့်ကျင်ဘက် အနိုင်ကျင့်မှုတွေသာ ထပ်ရရှိခဲ့တာမဟုတ်လား။

ငါက စည်းဝိုင်းအပြင်ကလူဆိုတော့ ပွဲကြည့်ပရိသတ်အဖြစ်နဲ့ နင့်အပေါ်အားမလိုအားမရတွေဖြစ်လို့ပေါ့။ ဒါပဲ တတ်နိုင်တာရှိတော့တယ်.. နင့်ရောဂါက ကျွမ်းနှင့်ပြီးဖြစ်သလို၊ အနာနဲ့တည့်တဲ့ဆေးကလည်း နင့်နားမှာပဲရှိတယ် မဟုတ်လား။ ငါကပါဝင်ကပြလို့လည်းမရ ဘီလူးဆိုင်းတီးပေးလို့လည်းမသင့်တော့နင်တို့နှစ်ယောက် စိတ်ကောက် သမျှကို ခေါင်းရှုပ်ခံပြီးတော့ စဉ်းစားနေဖို့ ငါ့မှာအချိန်မပေးနိုင်ဘူးလို့ပြောပစ်လိုက်တယ်။ ဒီနောက်ပိုင်း နင့် အကြောင်းတွေ င့ါကိုသိပ်မတိုင်ပင်တော့ဘူး .. ငါလည်းစိတ်ညစ်တာနဲ့ နင်နဲ့ဝေးဝေးမှာ ခဏသွားနေလိုက်တယ်။


(၄)

တစိမ်းဆန်သွားတဲ့ကာလတွေမှာ နင့်အကြောင်းကိုတော့ အမြဲနားစွင့်ခဲ့တယ်ဆိုတာ ယုံပါ။ ဝေးဝေးသွားနေမယ် စိတ်ကူးတဲ့ငါဟာ ကျောင်းထဲမှာ အင်းလျားမှာ အပန်းဖြေရိပ်သာထဲမှာ အဓိပတိလမ်းပေါ်မှာ ဖျတ်ကနဲများတွေ့ လိုက်လေမလားလို့ ငါ့မျက်လုံးတွေက လိုက်ရှာတတ်ပြန်တယ်။ စာထဲမှာပဲကျိုးစားပြီးစိတ်ကိုနှစ်ထားလိုက်တယ် အတန်းပြန်မှန်လာတဲ့ငါ့ကို သူငယ်ချင်းတွေက အံသြနေတယ်။ အတန်းမရှိချိန်တွေမှာ ကင်တင်းကိုမသွားပဲ စာကြည့်တိုက်ထဲဝင်ပြီး စာဖတ်နေလိုက်တယ်။

တနေ့ အတန်းပြီးချိန်မှာ ကော်ရစ်တာမှာရပ်စောင့်နေတဲ့ နင့်ကိုတွေ့တော့ သတိလက်လွတ် ငါမျက်ရည်ဝိုင်း မိတယ်။ ငါ့ရင်ထဲမှာ နင့်ကိုပြောချင်တဲ့စကားတွေခုန်ပေါက်နေပြီး နှုတ်ကတော့ဆွံ့အနေခဲ့တယ်။ တယောက်ကို တယောက် ပြုံးပြရုံကလွဲလို့ ငါတို့စကားစဖြစ်ခဲ့ကြဘူးနော်။ နှစ်ယောက်သား မတိုင်ပင်ပဲ နဲ့ ကင်တင်း ကို ခြေဦးလှည့်ခဲ့တာကိုကြည့်ခြင်းဟာ ငါတို့ အတွေးတွေတူနေကြတုန်းပဲဆိုတာသိသာတယ်။ ကင်တင်းမှာထိုင်ဖြစ် တဲ့ အထိ ငါတို့စကားစရှာမရသေးဘူး… ပြောမဲ့ပြောတော့လည်း နှစ်ယောက်စလုံးနှုတ်က ပြိုင်တူစကားသံထွက်လာလို့ …ရှက်ကိုးရှက်ကန်း ရယ်မိကြသေးတယ်။

မတွေ့တာကြာပြီဆိုတော့ ငါတို့စကားသံတွေထဲမှာ အမေးဝါကျတွေပဲများနေတယ်။ ခဏလေးကြာတော့ လွယ်အိတ်ထဲက စက္ကူနဲ့ပတ်ထားတဲ့ပန်းချီကားလေးကို နင်က ထုတ်ပြီး ငါ့အတွက်ဆွဲထားတာလို့ပေးတယ်။ နောက်တော့ ဖိတ်စာတစောင်လည်းထုတ်ပေးပြန်တယ်။ စားပွဲပေါ်မှာ ယှဉ်ပြီးချထားတဲ့ ဖိတ်စာနဲ့ ပန်းချီကားကို ကြည့်ပြီး ဘယ်ဟာကိုအရင်ဖွင့်ရမယ်မှန်း ငါဝေခွဲမရဖြစ်နေတယ်။ တကယ်တမ်းက့ ဖိတ်စာကို ဖွင့်ကြည့်ဖို့ ငါ စိတ်မခိုင်ဘူးဖြစ်နေခဲ့တယ်။ ဒါနဲ့ ပန်းချီကားကို ချည်ထားတဲ့ကြိုးကို သတိမထားလိုက်မိခင် ငါ့လက်တွေက ဖြည် လျှက်သားဖြစ်နေတော့တယ်။

နင်ဆွဲထားတဲ့ ငါ့အတွက်ပန်းချီကားလေးထဲမှာ အစိမ်းရောင်တွေလွန်ကဲနေတယ်။ အစိမ်းကို အနုအရင့်မျိုးစုံသုံး ထားတဲ့ပန်းချီကားလေးကို ဘယ်လိုစိတ်ကူးနဲ့ နင်ဆွဲခဲ့တယ်ဆိုတာ ဒီတခါ ငါမမေးချင်တော့ဘူး။ အဖြေသိ ပြီးသားပုစ္ဆာတပုဒ်ရဲ့ မေးခွန်းကို လှစ်လှူရှုလိုက်တာဟာ ဒီတကြိမ်တော့ ငါတို့အတွက် အကောင်းဆုံးဖြစ် မယ်ထင် တယ်။

ဖိတ်စာလေးကိုသေချာကြည့်မိတော့မှ မင်္ဂလာဆောင်ဖိတ်စာမျိုးမဟုတ်ဘူးဆိုတာ သတိထားမိတယ်။ တကယ် တမ်းက နင့်ရဲ့ပန်းချီပြပွဲ ဖိတ်စာလေးပါ။ နင်ကတော့ နင့်ပန်းချီကားတွေကို စံတစ်ခုအဖြစ်လူတွေကြားမှာ မှတ်ကျောက်တင်ခံဖို့ မေးခွန်းလွှာမရှိတဲ့ စာမေးပွဲကိုဖြေဆိုဖို့ကြိုးစားခဲ့ပြီ။ ငါက နင့်အတွက် ဂုဏ်ယူပါတယ် ဆိုတော့။ ဒါဆို စားထား သမျှ ရှင်းလိုက်တော့လို့ပြောလိုက်တဲ့ နင့်စကားအဆုံးမှာ မတိုင်ပင်ပဲ ပေါ့ပေါ့ပါးပါး ရယ်မောဖြစ်ကြသေးတယ်။

(၅)

ပန်းချီပြပွဲနေ့မှာ ပြခန်းကို ငါအစောကြီးရောက်သွားတော့ ညက တမှေးမှအိပ်ခဲ့ပုံမပေါ်တဲ့ နင့်မျက်လုံးတွေက ဒီပြပွဲအတွက်ဘယ်လောက် စိတ်စောနေလည်း ဆိုတာသိသာစေတယ်။ ပန်းချီဆရာကြီးတွေ၊ ဖိတ်ကြားထား တဲ့ ဧည့်သည်တွေတဖွဲဖွဲရောက်လာပေမဲ့ နင်မျှော်နေတဲ့သူကတော့ အရိပ်အယောင်တောင်မပေါ်လာဘူးနော်။ နင့်မှာ ပန်းချီကားတွေကို ရှင်းပြလိုက်၊ ဧည့်ခံလိုက်၊ ဆရာကြီးတွေရဲ့မှတ်ချက်တွေကိုနာခံလိုက်နဲ့ အလုပ်တွေ ဒီလောက်ရှုပ်နေတာတောင် တချက်တချက် အဝင်ဂိတ်တံခါးဖက်ကို မျှော်မျှော်ကြည့်တတ်သေးတယ်။

ငါ့မှာတော့ နင့်အတွက်စိတ်မောလွန်းလို့ အအေးတခွက်သွားယူပြီး နင့်လက်ထဲကိုထည့်ပေးလိုက်မိတယ်.. နင့် ရင်ထဲကအပူ ပြေကောင်းပြေပါစေတော့ဆိုတဲ့ စိတ်နဲ့ပေါ့။ ပြပွဲခန်းလေးဟာ ချီးမွမ်းသံ နှုတ်ဆက်သံ အကြံပေးသံ တွေနဲ့ နွေးထွေးအသက်ဝင်လာနေသလောက်။ နင့် မျက်နှာက တဖြည်းဖြည်းအသက်ကင်းမဲ့ လာတယ်။ ဧည့်သည်တွေကုန်သလောက်ရှိတော့မှ ရောက်လာတဲ့ ကောင်မလေးကို ပြာယာခပ်ပြီး အဖြစ်သည်း ပြတော့ နင့်ဟာက တဆိတ်လွန်လွန်းလိုက်တာလို့ ငါတွေးမိတယ်။

ထူးခြားမှုက ဇာတ်လမ်းထဲပါဝင်ကပြမဲ့ တတိယဇာတ်ကောင်ကို ကောင်မလေး အဲဒီနေ့မှာ စတင် အသက်သွင်း သွားတာပါပဲ။ ဒီတတိယလူကြောင့်လည်း နင်တို့နှစ်ယောက်ရဲ့ ဇာတ်လမ်းဟာ အထွတ်အထိပ်ကို ပိုရောက် သွားခဲ့တယ်။ အဲဒီနေ့က ပြပွဲကို ကောင်မလေးက သူမရဲ့ အဖေကိုပါခေါ်လာခဲ့တာကို ရိုးသားလွန်းတဲ့ နင်ကတော့ လိုရာကိုဆွဲတွေးပြီး စိတ်ကူးနဲ့ရူးနေခဲ့တယ်မဟုတ်လား။

ပြပွဲပြီးတဲ့နောက်ပိုင်းမှာ ငါလည်း နောက်ဆုံးနှစ်စာမေးပွဲအရမ်းနီးလာလို့ စာတွေပဲဖိကျက်နေရတယ်။ နင်ကတော့ ကျောင်းဘက်ကိုခြေဦးမလှည့်တာအတော်ကြာနေပြီ…။ တခါတလေတော့ ကျောင်းထဲက နင့်သူငယ်ချင်း ပန်းချီဆရာတွေနဲ့ စာတိုပေစပါးတတ်လို့ နင်ကျန်းမာတယ်၊ နောက်ပြပွဲထပ်လုပ်ဖို့ အလုပ်ရှုပ်နေ တယ်ဆိုတာတွေရယ်၊ ပြပွဲအတွက် နင့်ကောင်မလေးအဖေက စပွန်ဆာလုပ်ပေးတယ်ဆိုတာ တွေပါသိရတော့… နင့်စိတ်ကူးတွေတကယ်ဖြစ်လာခဲ့တယ်လို့ ငါ့မှာကြည်နှုး မိတယ်။

နင့် ပန်းချီကားတွေအကြောင်း ပန်းချီဝေဖန်ရေးသမားကြီးတယောက်က ချီးမွှန်းထားတဲ့ ဆောင်းပါး နာမည်ကြီး မဂ္ဂဇင်းမှာပါလာတဲ့အချိန်ကတော့ နင့်ဘဝရဲ့ အနုပညာဖန်တီးမှုမှော် အအောင်ဆုံးအချိန်ပဲလို့ ငါကချီးကျူးရင် ရှက်ရယ် ရယ်နေမဲ့ နင့်မျက်နှာကို မျက်စိထဲမြင်ယောင်မိတယ်။ အောင်မြင်ပါစေ သူငယ်ချင်း… ဒီထက်ထိ ပိုလို့အောင်မြင်ပါစေ။ ငါမှာတော့ တယောက်တည်း နင်မပါလဲ စာအုပ်ဟောင်းတန်းသွားမြဲ.. နင်ကြိုက်တတ်တဲ့ ကဗျာဆရာတွေရဲ့ ကဗျာတွေကို ကူးမြဲ…. အလွမ်းတွေနဲ့နေသားကျနေတဲ့ ဘဝထဲမှာ နင့်ကိုလွမ်းဆဲ။


စိုးသင့်ဆွေ


~~~~~~~~~~~~~~~~~~~~
(စာလာဖတ်တဲ့သူတွေကို ကျေးဇူးလည်းတင် အားနာလည်းနာပါတယ်။ နောက်တပိုင်းဆိုရင် ဇာတ်သိမ်းခန်းရောက်ပါတော့မယ်ဆိုတာ အာမခံပါတယ်ရှင့်း))

Read More...

Sunday, February 22, 2009

အသိမဲ့ရစ်နှောင်တွယ် (၁)

Photo Credit to Isadora Lollo


(ဒီဝတ္ထုလေးက ရေးရင်းနဲ့ အတော်လေးရှည်သွားလို့ အပိုင်းမခွဲချင်ပေမဲ့...ရေးပြီးသလောက်ကို ပထမပိုင်း အနေနဲ့ အရင်ပို့စ် တင်ပေးလိုက်ပါတယ်။ ဒုတိယပိုင်းကို အမြန်ဆုံးတင်နိုင်အောင်ကြိုးစားပါ့မယ်။ ကျေးဇူးတင်ပါတယ်..)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
(၁)

အဲ့ဒီနေ့က..ထူးခြားစွာ ကျောင်းကိုစောစောရောက်ခဲ့တယ်။ ခါတိုင်းဆို မနက်စောစောအတန်းကိုအမြဲ နောက်ကျ နေကြ။ အဲ့ဒီနေ့ကမှ အဖေခရီးသွားလို့ ရထားအမှီဘူတာရုံကိုလိုက်ပို့ပြီးတာနဲ့ ကားကိုအိမ်ပြန်မပို့ပဲ ကျောင်းကို တန်းမောင်းလာခဲ့တယ်။ အတန်းချိန်လိုနေသေးလို့ အချိန်ဖြုန်းရင်းနဲ့ ကင်တင်းမှာ မုန့်ဟင်းခါးဝင်စားဦးမှပဲ ဆိုတဲ့ အတွေးသာ မတွေးဖြစ်ခဲ့ရင် နင်ဆိုတဲ့သူနဲ့ သိကျွမ်းရဖို့ဖြစ်လာခဲ့မှာမဟုတ်ဘူး။

စားနေရင်းနဲ့ ဒီနေ့အစောဆုံးရောက်တော့ အတန်းထဲနေရာသွားဦးမှလို့အတွေးပေါက်မိတယ်။ ဂုဏ်ထူးတန်း ရောက်နေမှ ကလေးငယ်တွေလို အတန်းထဲမှာထိုင်ခုံရှေ့ဆုံးရဖို့နေရာဦးနေရတဲ့အဖြစ်ကို သိပ်သဘောမတွေ့လှ ပေမဲ့ ရှေ့ဘက်ကျကျထိုင်ခုံမရလို့ကတော့ စာသင်နေတဲ့ဆရာရဲ့အသံကိုမကြားရပဲ အသံမထွက်တဲ့ ရုပ်မြင်သံကြား အပျက်ကြီးကို ကြည့်နေသလိုမျိုးဖြစ်ပြီး စာသာသင်ပြီးသွားရော စာအုပ်ထဲမှာရော ခေါင်းထဲမှာပါ စာတလုံးမှ မကျန်ရစ်တဲ့ဘဝမျိုးထက်စာရင်တော့ ကလေးတွေလိုခုံဦးတာကိုပဲ ရွေးချယ်မိတယ်။

ဒါပေမဲ့ ဆရာနဲ့ နီးတဲ့ရှေ့ဆုံးခုံတွေမှာလည်းသိပ်တော့မထိုင်ချင်လှ…တခါတလေအခန်းထဲကကိစ္စရှိလို့ ထွက် သွားချင်ရင် ရှေ့ကအားကျိုးမာန်တက် စာသင်နေတဲ့ဆရာကိုမျက်နှာပူစရာကြီး… ဒါကြောင့် မဖြစ်မနေခုံဦး ရမယ်ဆိုရင် ရှေ့ဆုံးခုံ ကိုရှောင်တတ်တယ် အဝင်ပေါက်နဲ့နီးတဲ့နေရာကိုရအောင်ယူတယ်။ လှစ်ကနဲထွက်သွား တော့ ဆရာသိပ်သတိထားမိမှာ မဟုတ်ပါဘူးလို့ ကိုယ့်ဘာသာလိုသလို ဆွဲတွေးထားလိုက်တယ်။

ဟိုတွေးဒီတွေးနဲ့ မုန့်ဟင်းခါးထဲ ငရုတ်သီးထည့်လိုက်တာလက်လွန်သွားလို့ စပ်လာတာနဲ့ ရေနွေးကြမ်းသောက်ဖို့ ပန်းကန်လုံးထဲရေနွေးထည့်ကျင်းလိုက်ပြီး ငါ့ရဲ့ နမော်နမဲ့နိုင်လှတဲ့ အကျင့်အတိုင်း ဘေးဘီကိုမကြည့်ပဲ လှမ်းသွန် မိလိုက်တယ်..။

' အား …'

နာကျင်မှုအပြည့်အဝပါနေတဲ့ အာမေဍိတ်သံကြီးကြားလိုက်ရလို့ လန့်ဖြန့်ပြီးနံဘေး ကိုကြည့်မိတော့….

ယောင်္ကျားစီးကတ္တီပါဖိနပ်အမည်းရောင်ဝတ်ထားတဲ့ ခြေထောက်ပေါ်ကိုအုပ်ကိုင်ထားတဲ့ လက်တဖက်ကို တွေ့ လိုက်ရတယ်။ အသားကဖြူတဲ့သူမို့ ရေနွေးထိတဲ့နေရာမှာ အနီကွက်ကြီးဖြစ်နေတာတွေ့ရတော့ ငါ့မှာ ပျာပျာသလဲ တောင်းပန်စကားဆိုမိတယ်။

"တောင်းပန်ပါတယ်နော် .. အတော်ပူသွားလားဟင်.."
"ပူလိုက်တာ……" တယောက်ထဲခပ်ညီးညီးပြောပြီးတော့ ထိုသူက သူ့ခြေထောက်ကိုလက်တဖက်နဲ့ပွတ်နေစဲ။ မေးနေတာ ကြားမှကြားရဲ့လားမသိ။ ခေါင်းကိုငုံထားလို့ မျက်နှာကိုတောင်မမြင်ရသေးဘူး။

ခဏကြာတော့မှ ခေါင်းမော့လာပြီး .. "ရပါတယ်.. မများပါဘူး.. ရေခဲရရင်တော့လိုချင်တယ်.."
ဒါနဲ့ ငါလည်း ပျာပျာသလဲနဲ့ စားပွဲထိုးလေးကို ရေခဲယူလာဖို့လှမ်းမှာလိုက်တယ်။ ငါနဲ့မျက်နှာချင်းဆိုင်ခုံမှာ ဝင်ထိုင်လိုက်တာတော့မှ လူငယ်တယောက်မှန်း သတိထားမိလိုက်တယ်။ တော်သေးတာပေါ့ ဆရာတယောက် များဖြစ်နေခဲ့ရင် ငါတော့ ဒုက္ခပါပဲ။ ရေခဲရတော့ အပူလောင်ထားတဲ့ နေရာကို နင်က ရေခဲနဲ့ကပ်နေတယ်။ ငါကတော့ အားနာလွန်းလို့ ခြေမကိုင်မိလက်မကိုင်မိဖြစ်နေမိတယ်။

"ကျနော့်နာမည်… ကောင်းထက် ပါ…အားနာမနေပါနဲ့ မတော်တဆဖြစ်တာပဲ.." ငါဘာမှမပြောရသေးခင် နင့်ကိုနင် စမိတ်ဆက်စကားပြောလိုက်လို့ နည်းနည်းတော့ မျက်နှာပူရသက်သာသွားတယ်။

"ကျမလည်း .. နမော်နမဲ့ ရေနွေးကိုသွန်လိုက်မိတာ"
"အင်း…. ကျနော်ကလည်း ခင်ဗျားဘေးရပ်ပြီးတော့.. ရှေ့က စိန်ပန်းပင်ကို ရပ်ငေးမိနေမိတာဗျ.. နှစ်ယောက်လုံး နမော်နမဲ့ဖြစ်သွားတာပေါ့ .. ဒီတော့ကြေပြီ ခင်ဗျားလည်းတောင်းပန်စရာမလိုတော့ဘူး"
"တခုခုစားပါလား… ခြေထောက်လည်းရေခဲအုံထားရမဲ့အတူတူ" ငါက လောကွတ်လုပ်လိုက်တော့ စားပွဲထိုး လေးကို မုန့်ဟင်းခါးတပွဲ လှမ်းမှာလိုက်တဲ့ ရိုးသားပွင့်လင်းလှတဲ့ နင့်ကို စိတ်ထဲမှာအလိုလို ရင်းနှီးသွားတယ်။


နင် မုန့်ဟင်းခါးစားနေတုန်းမှာ ငါက စကားတွေဖောင်ဖောင်ပြောပြီး နာမည်အပြင် မေဂျာကိုပါပြောပြလိုက်မိတယ်။ နင်ကတော့ ပြောသမျှကို နားထောင်လိုက် ခေါင်းညိတ်လိုက် မုန့်ဟင်းခါးကိုကုန်းစားလိုက်နဲ့ အလုပ်များနေတယ်။ ပြောနေရင်းနဲ့ ငါ့မှာဆက်ပြောစရာစကားမရှိတော့တာရော .. မုန့်ဟင်းခါးစားရင်း ခေါင်းညိတ်နားထောင်လုပ် နေရတဲ့ နင့်ကိုရော အားနာလာတာနဲ့ .. စကားကိုရပ်ထားလိုက်ရတယ်။

တကယ်ကတော့ ကောင်းထက်ဆိုတဲ့ နင့်ကို မသိမသာအကဲခတ်လိုတာလည်းပါတာပေါ့။ ပစ္စည်းတွေနဲ့ ဖောင်းကားနေတဲ့လွယ်အိတ်ကြီးကြီးတစ်လုံးရယ၊် အတော့်ကိုပါဝါထူတဲ့မျက်မှန်ကြီးတပ်ထားရတာရယ်၊ နောက် ထူးခြားချက်တခုကတော့ ခြေထောက်လေးတွေ ဖွေးနေအောင်ဖြူသလောက် လက်သည်းတွေကအစ မည်းတူး ညစ်ပတ်နေတဲ့လက်တစုံရှိတဲ့ နင့်ကို တက္ကသိုလ် ကျောင်းသားမဖြစ်တန်ကောင်းဘူး လို့ ငါ့အကျင့်အတိုင်း ခပ်နှိမ်နှိမ်တွေးမိခဲ့သေးတယ်။

နင် မုန့်ဟင်းခါးစား ပြီးချိန်မှာ ငါ့အတန်းကစဖို့ ၅မိနစ်ပဲလိုတော့လို့ ပိုက်ဆံမြန်မြန်ရှင်းရင့်း နင့်ကို ကပျာကရာ နှုတ်ဆက်စကားဆိုပြီးတော့ အတန်းကိုအပြေးအလွှားသွားခဲ့ရတယ်.။ နောက်ထပ်ဆုံ ဖြစ်မယ်လည်း ထင်မထား မိခဲ့ဘူးလေ။ ဒါပေမဲ့ ဟန်ဆောင်မှုကင်းတဲ့ သူများအပေါ်အပြစ်မတင်မစောတတ်တဲ့ စိတ်ကလေး ကိုတော့ ငါသတိထားမိခဲ့ရတယ်။ နောက်ပြီးတော့ နင်ရဲ့ အသွင်အပြင်ကလည်း တခြားလူတွေနဲ့ မတူလို့လည်းဖြစ်မယ်။

တကယ်တော့ နင်ဟာလည်း ငါ့လိုပဲ ဂုဏ်ထူးတန်းကျောင်းသားတယောက်ပဲ.. ဆိုတာနောက်မှသိခဲ့ရတယ်။ နင်က ဖလော်ဆိုဖီ မေဂျာက.. ငါ က သင်္ချာက ဆိုတော့ ငါတို့နှစ်ယောက်က လော့ဂျစ်အကြောင်းတွေကိုဆွေးနွေး ငြင်းခုန်ရင်း ပိုရင်းနှီးစေခဲ့တယ် မဟုတ်လား။ ငြင်းခုန်ခြင်းဆိုတာ ငါတို့နှစ်ယောက်ကြားမှာ မရှိခဲ့ဘူးဆိုရင် ငါတို့တွေ ဒီလောက်ထိရင်းနှီးလာဖို့မလွယ်ဘူးနော်။

(၂)

နင်နဲ့ပြန်ဆုံဖြစ်တာကတော့ သိပ်ရိုးစင်းလှတဲ့ဆန်းကြယ်မှုပဲနော်။ မိုးတွေသည်းသည်းရွာနေတဲ့ နေ့တနေ့ ကော်ရစ်တာထောင့်ချိုးမှာ ငါတို့နှစ်ယောက် ရိုးစင်းစွာမတော်တဆ ဝင်တိုက်မိခဲ့ကြတယ်။ ဆန်းတယ်ဆိုတာက နင့်ကို စတွေ့ပြီးထဲက နောက်ထပ်တခါမှ သတိမရဖြစ်တဲ့ငါက နင့်နာမည်ကို ပါးစပ်ကအလိုလိုခေါ်မိလျက် သားဖြစ်နေတယ်…။ နင်ကတော့ နင့်နာမည်ကိုသိနေတဲ့ တစိမ်းတယောက်ကို အူကြောင်ကြောင်နဲ့ ကြည့်လို့..။

ခြေထောက်ကိုရေနွေးပူလောင်းချတဲ့သူပါလို့ ပြန်အစဖော်ပေးမှပဲ နင်လည်း ငါ့ကိုပြန်မှတ်မိသွားတော့တယ်။ နင်က ပြောသေးတယ် ခင်ဗျားဝယ်ကျွေးတဲ့ မုန့်ဟင်းခါးတောင် စားခဲ့ဖူးသေးတာပဲတဲ့… တော်သေးတာပေါ့ဟယ်။ ပြန်မှတ်မိပေလို့ပေါ့ နို့မို့ရင် ရှက်စရာကြီးလို့ စိတ်ထဲမှာတွေးဖြစ်ခဲ့သေးတယ်ဆိုတာ သူငယ်ချင်းတွေဖြစ်သွား တော့ပြန်ပြောပြတော့ နင်က .. ငါဒီလောက်တော့ မှတ်ဥာဏ်ကောင်းပါသေးတယ်လို့ ပြန်ပက်ခဲ့သေးတယ် မဟုတ်လား။

အေး….နင်ဘယ်လိုပဲ တခြားနေရာတွေမှာ မှတ်ဥာဏ်ကောင်းပေမဲ့ ငါ့မွေးနေ့ကိုတော့ ဘယ်တော့မှ မှတ်မိတယ် ဆိုတာ မရှိဘူး။ ဒီကိစ္စကို အမြဲတမ်း ငါ စကားနာထိုးတိုင်း .. နင် က ငါ့မွေးနေ့ကို ပြန်မေး.. ပြီးတော့ နှုတ်က တဖွဖွနဲ့ရွတ်ရင်း သေချာပြန်မှတ်မယ်… ဒါပေမဲ့ မွေးနေ့ရောက်တော့လည်း ထုံးစံအတိုင်း ငါအစဖော်မှပဲ နင် သတိရတော့တယ်။ ငါ့အတွက်တော့ နင်ဆီက မွေးနေ့လက်ဆောင်တို့ မွေးနေ့ဆုတောင်းတို့ဆိုတာ ဘယ်တော့မှ မျှော်လင့်ထားလို့မရတဲ့ အရာပဲ။

မွေးနေ့မမှတ်မိတဲ့နင့်ကို စိတ်ဆိုးပြန်ရင်လည်း ပြေရာပြေကြောင်းပြောတတ်တဲ့ နင့်စကားက "မွန်း…နင့်ကိုငါက အခင်ဆုံးပါ နင့်မှာမွေးနေ့မရှိလည်းခင်နေမှာပဲတဲ့" မသိရင်တော့ ရွဲ့ပြီးပြောနေတယ်လို့ထင်စရာပဲ ဒါပေမဲ့ နင်က ထုံးစံအတိုင်း အူတိအူကြောင်နဲ့ အတည်ပေါက်ကြီးပြောနေတော့ ငါ့မှာ စိတ်ဆိုးရ ခက်နေပြန်ရော။

ခြေထောက်လေးတွေဖြူဖွေးနေသလောက် ဆေးတွေနဲ့ညစ်ပေနေတတ်တဲ့လက်တစုံပိုင်ရှင် နင်က ပန်းချီဆရာ ပေါက်စလေး ဆိုတာ နင်နဲ့ သူငယ်ချင်းဖြစ်မှပဲသိခွင့်ရခဲ့ရတယ်။ အရင်က နင့်အပေါ် တက္ကသိုလ်ကျောင်းသား မဖြစ်လောက်ဘူး လို့ထင်မိတဲ့ အတွေးကိုတော့ လုံးဝ ပြန်ပြောမပြဖြစ်ခဲ့ဘူး။ ဘာလို့လဲဆိုတော့ လူတယောက် အပေါ် နှိမ်တွေးတတ်တဲ့ ငါ့ကို မခေါ်မပြောချင်တော့မှာ စိုးရိမ်ခဲ့လို့ပဲ။

နင်နဲ့ခင်ပြီးနောက်ပိုင်းမှာ ငါ အတော်လေးပြောင်းလွဲသွားတယ်လို့ သူငယ်ချင်းတွေက ပြောကြ တယ်။ အရင်ကဆို ကျောင်းစာကလွဲလို့ ငါက ပြင်ပစာပေလည်းမဖတ် လေ့လာမှုလည်းမရှိ ဘယ်လိုစာမျိုးကိုရွေးဖတ်ရမယ် ဆိုတာ လည်းမသိနဲ့ ပြင်ပလောကကြီးအကြောင်းကို လုံးဝမသိတဲ့ ရေအိုင်ထဲကဖားသူငယ်ပေါ့။ နင်ပေးဖတ်တဲ့ စာအုပ်တွေကြောင့် အရာရာကို လေးလေးနက်နက်တွေးတတ်လာခဲ့တယ်။ နောက်ဖတ်ပြီးသား စာတွေကို ဆွေးနွေးတဲ့ အခါမှာလည်း ငါ့ရဲ့အမြင်ကိုအရင်စိတ်ရှည်လက်ရှည်နားထောင်ပေးပြီးမှ နင့်ထင်မြင်ချက်ကို ပြောပြ ရှင်းပြတတ်တဲ့ နင့်ကို ငါက ပိုပြီးတော့လေးစားခင်မင်လာခဲ့တယ်။

ပန်းချီဆွဲဖို့မပြောနဲ့ လက်နဲ့မျဉ်းဖြောင့်တကြောင်းတောင်ဖြောင့်အောင်မဆွဲနိုင်တဲ့ ငါက နင် ပြောပြတတ်တဲ့ ကမ္ဘာကျော်ပန်းချီကားတွေအကြောင်းကို မပျင်းမရိနားထောင်တတ်လာတယ်။ အတန်းချိန်လစ်ပြီးတော့ ပန်းချီပြပွဲ တွေသွားကြည့်တတ်ခဲ့တယ်၊ စာအုပ်အဟောင်းတန်းမှာ ထိုင်ပြီးစာမြည်းရတဲ့အရသာကိုလည်းကြိုက် တတ်လာ ခဲ့တယ်။

နင်ကလည်း သွားလေ့သွားထရှိတဲ့ ပတ်ဝန်းကျင်တွေကို အမြဲခေါ်သွားလေ့ရှိတယ်။ ဒီတော့မှာ ယုံကြည်မှု နဲ့ ဝါသနာဆိုတာ ငွေအသပြာထက်ပိုအားကောင်းတဲ့ စိတ်ရဲ့ခွန်အားတွေဆိုတာ နင့်အပေါင်းအသင်း အနုပညာသမား တွေရဲ့ ဘဝတွေကိုကြည့်ပြီးတော့နားလည်လာခဲ့တယ်။ ငွေဆိုတဲ့ စက္ကူတရွက်ရဲ့အထ္တုပ္ပတိကို အာဂုံဆောင် ထားတဲ့ လေထုထဲမှာ ကြီးပြင်းလာခဲ့တဲ့ ငါက အရင်ကထက်စာရင် အခုမှပဲနေရတာပိုပြီး အသက်ရှုချောင် လာတယ်။

တခါတုန်းက.. အင်းလျားကန်ဘောင်ပေါ်မှာထိုင်နေကြတုန်း နင့်လွယ်အိတ်ဖောင်းဖောင်းကြီးထဲကဘာတွေလဲလို့ ငါကမေးတော့ .. သိချင်ရင် ငါ့ပိုက်ဆံအိတ်ထဲမှာရှိတာတွေလည်းပြရမယ်ဆိုပဲ။ တခါတခါ အဲလိုမျိုး နင်က လက်ပေါက်ကပ်တတ်ပြန်သေးတယ်။

တကယ်တမ်းကြတော့ နင့်လွယ်အိတ်ထဲက ထွက်လာသမျှဟာ ဘဝဆန်တဲ့ပစ္စည်းတွေဖြစ်နေပြီး ငါ့အိတ်ထဲမှာက ပကာသနဆန်တဲ့ပစ္စည်းတွေပဲဖြစ်နေလို့ ကြိတ်ပြီးရှက်မိသေးတယ်။ ပန်းချီပုံကြမ်းခြစ်တဲ့ ခဲတံ နဲ့ စာရွက်တွေ၊ ဒိုင်ယာရီစာအုပ်၊ နောက်ပြီး နင်သိပ်ကြိုက်တဲ့ ကဗျာဆရာတွေရဲ့ ကဗျာတွေကူးထည့်ထားတဲ့ မှတ်စုစာအုပ်၊ ပန်းချီပြပွဲလက်ကမ်းစာစောင်တွေ၊ နောက်… အပေါင်ဆိုင်လက်မှတ်တွေ။

နင်နဲ့ ခင်ပြီးနောက်ပိုင်းတော်တော်ကြာမှ နင့်မိဘတွေအကြောင်းကိုသိခွင့်ရခဲ့တယ်။ ပန်းချီကို နင်ဟာ အသက် လောက်မြတ်နိုးတယ်ဆိုတာရယ်။ ချမ်းသာတဲ့ မိဘတွေရဲ့တားမြစ်တဲ့ကြားက ဝါသနာကိုရွေးချယ်ခဲ့လို့ အိမ်ပေါ်က အဆင်းမှာ တခါထဲ အမွေခွဲပေးလိုက်တဲ့ မိဘတွေနဲ့ နင့်ကြားက အက်ကြောင်းကို ပြန်ချောမွေ့စေချင်ခဲ့တယ်။ နင်ကတော့ အခုလက်ရှိဘဝက မိသားစုဆိုတဲ့နွေးထွေးမှုမရှိတာကလွဲရင် နင့်အတွက်ပိုပြီးတော့ နေပျော်တယ်လို့ တဖွဖွ ပြောလေ့ရှိတယ်။

ဆွဲထားတဲ့ပန်းချီကားတွေကိုလိုက်ကြည့်ဖို့ နင့်အိမ်ကိုဖိတ်ခဲ့လို့ ငါလိုက်လည်တဲ့နေ့က။ ယိုင်နဲ့နဲ့ပျဉ်ထောင်အိမ်အို လေးကိုကြည့်ပြီးတော့ စကားတွေဆွံ့အခဲ့ရတယ်။ ဖရိုဖရဲ အိမ်ခေါင်မိုးရယ် ဆွေးမြေ့ပြီးဟိုတကွက် ဒီတကွက် ပျဉ်ကွာနေတဲ့ ကြမ်းခင်းရယ်ကို နင်က ဘာမှမဖြစ်သလိုနေနိုင်ပေမဲ့ ငါမှာတော့ပြုံးရယ်ဖို့ကို မေ့လျော့နေခဲ့တယ်။ ပျဉ်ထောင်အိမ်အိုလေးက ငြိုးငယ်နေသလောက် နင့်ဆွဲထားတဲ့ ပန်းချီကားတွေအားလုံးဟာ တောက်ပတဲ့ အရောင်အစပ်အဟပ်၊ အားမာန်ပြည့်လှတဲ့စုတ်ချက်တွေနဲ့ ဆန့်ကျင်ဖက်ဖြစ်လို့နေတယ်။

အိမ်တခုလုံးနဲ့ ပန်းချီကားတွေပြည့်နေတာတောင် ပြပွဲပြဖို့ နင်က မတင်းတိမ်နိုင်သေးဘူးတဲ့။ မိဘတွေခွဲပေးလိုက်တဲ့ အမွေတွေအားလုံးနီးပါးဟာ ဆေးတွေ စုတ်တံတွေဝယ်တာနဲ့ပဲ အားလုံးကုန်သလောက် နီးပါးဖြစ်နေပြီ။ နင်ကပန်းချီဆွဲရင် Don McLean's ရဲ့ Vincent (Starry Starry Night) သီချင်းတပုဒ်ကို အမြဲနားထောင်ပြီး ပန်းချီဆွဲလေ့ရှိတယ်။ ပန်းချီကျော်ကြီး Vincent Van Gogh ရဲ့ အားလူးစားသူများ ပန်းချီကားကို နာမည်ကြီးစေခဲ့တဲ့ အလင်းအမှောင်ဖမ်းယူသွားနိုင်ပုံကို နင်သိပ်သဘောကျခဲ့တယ်မဟုတ်လား။

~~~~~~~~~~~~~~~~~~~~~~~~~~



စိုးသင့်ဆွေ

Read More...

Friday, February 13, 2009

ချစ်သူများနေ့ အမှတ်တရ

ဓာတ်ပုံကို ဒီက ယူပါတယ်

Valentine's Day ဆိုရင်တော့ အားလုံးက တညီတညွတ်ထဲ ချစ်သူများနေ့ လို့သိထားကြပါတယ်။ ငယ်ငယ်တုန်း ကတော့ ချစ်သူများနေ့ဆိုတာ သမီးရည်းစားတွေ ဇနီးမောင်နှံတွေအတွက်ပဲ ရည်ရွယ်တယ်လို့ထင်ခဲ့မိတာပါ။ နောက်တော့မှ ချစ်သူများဆိုရာမှာ ချစ်သူခင်သူများအားလုံးအကြုံးဝင်တယ် ဆိုတာသိလာခဲ့ရပါတယ်။ မိခင် ဖခင်တွေကအစ၊ အိမ်မှာမွေးထားတဲ့ ခွေးလေး ကြောင်လေးတွေကအဆုံး ကိုယ်ကချစ်ခင်တဲ့သူ မည်သူကိုမဆို Valentine's Day မှာ အမှတ်တရလက်ဆောင်ပေးခြင်းဟာ အဲဒီလူအပေါ် မိမိကဘယ်လောက် အလေးထားတယ် ဆိုတာကိုဖော်ပြခြင်းသင်္ကေတတခုပါ။

လောကကြီးမှာ ခင်မင်တဲ့အပေါင်းအသင်းတွေက ကိုယ့်အပေါ်အလေးထားတယ်ဆိုတာကို သဘောမကျတဲ့ လူ မရှိနိုင်ပါဘူး။ လူဆိုတာ အလေးထားခံချင်တဲ့သတ္တဝါထဲမှာ ထိပ်ဆုံးကပါတယ်မဟုတ်ပါလား။ ပေးလာတဲ့ လက်ဆောင်ရဲ့ တန်ဖိုးနည်းခြင်း၊ များခြင်းနဲ့ မဆိုင်ပဲ ခင်မင်မှုရဲ့သင်္ကေတ၊ အပြန်အလှန် လေးစားမှုရဲ့အတိမ်အနက်၊ ချစ်ခြင်းမေတ္တာရဲ့သင်္ကေတတွေအဖြစ်နဲ့ လက်ဆောင်ကိုလက်ခံရရှိသူကလည်း ကျေကျေနပ်နပ်နဲ့ ပျော်ရွှင်ရသလို သူတို့ နှစ်ဦးကြားမှာရှိတဲ့ နှောင်ကြိုးများဟာလည်း ပိုမိုခိုင်မာလာစေပါတယ်။

Valentine's Day လက်ဆောင်အမျိုးမျိုးတွေထဲမှာ အထင်ရှားဆုံးက နှင်းဆီပန်း နဲ့ ဒုတိယ တခုကတော့ ချောကလက်ပါ။ ဒီမှာတော့ တီဗီတွေမှာ ကုန်ပစ္စည်းအမျိုးမျိုးကိုကြော်ငြာနေတာလည်းတွေ့ရပါတယ်။ ရေမွေး၊ လက်ဝတ်ရတနာ၊ အမွေးပွဝက်ဝံရုပ်တွေအဆုံး….လက်ဆောင်တွေရွေးချယ်စရာအများကြီးပေါ့။ ကိုယ့်သင်္ကေတ နဲ့ကိုယ်ပေးချင်တာကိုရွေးချယ်ပေးရုံပါပဲ။

မနှစ်ကတော့ နယူးယောက်မှာ တရုံးထဲအတူတူလုပ်ဖော်ကိုင်ဖက် ဂျပန်မ မယ်ဂူမီစံကို ချောကလက်တဗူး လက်ဆောင်အဖြစ် ပေးခဲ့ဖူးတယ်။ သူနဲ့က ရုံးမှာ ဟိုဖက်စားပွဲ ဒီဖက်စားပွဲထိုင်ပြီးအတော်လေး အဖွဲ့ကျ စိတ်တူ ကိုယ်တူဖြစ်ခဲ့သူပါ။ နောက်ပြီး ကိုယ်ဝန်စရှိတဲ့အချိန်ထဲက နောက်ဆုံးအချိန်ရုံးကခွင့်ယူခဲ့စဉ်အထိ သူပဲအားလုံး ဖေးဖေးမမ ကူညီခဲ့သူပါ။ သူကသားနှစ်ယောက်ရဲ့မိခင်ဖြစ်တော့ ကိုယ်ဝန်ဆောင်တဲ့အတွေ့အကြုံ ဆောင်ရန် ရှောင်ရန်တွေကို အမတယောက်လိုပဲပြောပြသင်ပြပေးခဲ့ပါတယ်။ ကိုယ်ကလည်း သူ့ကို Accounting Software တမျိုးကို စာရင်းကိုင်အတွေ့အကြုံ မရှိတဲ့သူ့ကို စိတ်ရှည်စွာနဲ့ သင်ပေးခဲ့တယ်။ (သူကခုတော့ ကိုယ်သင်ပေးလိုက် တဲ့ ပညာတွေနဲ့ လခပိုကောင်းတဲ့အလုပ်တခုမှာလုပ်နေပါတယ်..မုဒိတာပွားစရာပါ)

ဒါနဲ့ မနှစ်က ချစ်သူများနေ့မှာ အမှတ်တရ သူ့ကို ကိုယ့် အနှစ်သက်ဆုံး ဖြစ်တဲ့ Leonidas ချောကလက်တဗူး လက်ဆောင်အဖြစ်ပေးခဲ့ပါတယ်။ Leonidas ချောကလက်ဟာ စားဖူးသမျှ ချောကလက်ထဲမှာ အနှစ်သက်မိဆုံး လည်းဖြစ် ကိုယ်တိုင်လည်း လန်ဒန်မှာနေစဉ်က အဲဒီဆိုင်ခွဲတခုမှာအလုပ်လုပ်ခဲ့ဖူးတော့ ချောကလက်တွေရဲ့ နာမည်၊ အမျိုးအစားတွေကိုပါသိနေလို့လည်း တန်ဖိုးထားစွာလက်ဆောင်ပေးဖို့ ရွေးချယ်ခဲ့တာပါ။ ကိုယ်ပေးတဲ့ လက်ဆောင်ကို သူရော သူ့မိသားစုပါကြိုက်နှစ်သက်ကြတယ်ဆိုလို့ အတော်လေးကို ပျော်ရွှင်မိခဲ့တယ်။

ဒီနှစ် Valentine's Day အတွက်ကတော့ သူငယ်ချင်းစာရေးဆရာမ Molly တို့ဇနီးမောင်နှံက ပို့ပေးလိုက်တဲ့ လက်ဆောင်ပါ။ ထူးထူးခြားခြားပါပဲ .. သူတို့လင်မယားပို့ပေးလိုက်တာက ကိုယ့်အကြိုက်ဆုံး Leonidas ချောကလက်တွေဖြစ်လို့နေပါတယ်။ ဒါကြောင့် ဒီနှစ်ရတဲ့ Valentine လက်ဆောင်ကို အမှတ်တရအဖြစ် စာလေးရေးပြီးသိမ်းထားချင်တာနဲ့ ဒီပို့စ်လေးကိုရေးလိုက်တာပါပဲ။

(ချောကလက်တွေကျွေးချင်ပေမဲ့ ကျွေးခွင့်မရလို့ ဓာတ်ပုံလေးတွေပဲကြည့်လိုက်ကြပါတော့ ပရိတ်သတ်ကြီးရေ.. စိတ်တော့မဆိုးကြနဲ့နော်။ သူတို့ပို့ပေးတာက ၂ပေါင်ဗူးကြီးဆိုတော့ ဝါရှင်တန်ကိုအမှီလာနိုင်မယ်ဆိုရင်တော့ တဝကြီး ကျွေးချင်ပါတယ်....းD)



Gift Wrap ကိုဖယ်လိုက်ပြီးမှ ဓာတ်ပုံရိုက်ဖို့သတိရတာနဲ့ ဖဲကြိုးလေးပဲပြန်ချည်ပြီးရိုက်ထားတာပါ...။ မူရင်းပုံစံကိုကြည့်ချင်ရင်တော့ အပေါ်ခေါင်းစီးမှာတင်ထားတဲ့ပုံလေးကိုသာကြည့်ပါတော့။



အထဲမှာဘယ်လိုပုံစံချောကလက်တွေပါမလဲ...???




သုံးနေရာလပ်နေတာက ဘုရားတင်ဖို့မြန်မြန်ဖယ်လိုက်ပြီးတော့ သူတခု ကိုယ်တခု စားလိုက်ကြတယ်း) အောက်မှာနောက်နှစ်ထပ်ကျန်သေးတယ်။

Read More...

Tuesday, February 10, 2009

အာရောဂျံ ပရမ္မံလာဘံ



အာရောဂျံ ပရမ္မံလာဘံတဲ့ .. ဒီလိုစရေးလိုက်လို့ ကျန်းမာရေးအတော်လိုက်စားတယ်လို့တော့ မထင်စေချင်ပါဘူး။ ခုတလောမှာ အိမ်ရှိလူကုန် တရှောင်ရှောင်ဖြစ်နေတော့ .. အာရောဂျံ ပရမ္မံလာဘံ ဆိုတဲ့ ကျန်းမာခြင်းသည် လာဘ်ကြီးတပါး ဆိုတဲ့ စကားလုံးလေး ခေါင်းထဲကို အလိုလိုဝင်လာတယ်။ အော် .. လူဆိုတာ ကျန်းမာတော့မှပဲ စိတ်သွားတိုင်းကိုယ်ပါနိုင်တော့တာပါလား။

လူမှာအဓိက က ကျန်းမာရေးပဲ.. ဒါကြောင့်လည်း လူကြီးမိဘတွေနဲ့စကားပြောတဲ့အခါမယ် ကျန်းမာရေးဂရုစိုက် ဆိုတာကို အမြဲတစေမှာတတ်ကြတာကိုး။ မြန်မာ့ယဉ်ကျေးမှုအရ လူအခြင်းခြင်း ပဋိသန္ဓာရစကားဆိုနှုတ်ဆက် ရင်တောင် နေကောင်းတယ်နော်၊ ကျန်းမာရဲ့မဟုတ်လားတို့ နဲ့ အစချီပြီးတော့နှုတ်ဆက်ကြတာမဟုတ်လား။ အင်္ဂလိပ်တွေလို ကောင်းသောနေ့၊ ကောင်းသောညလို့ နှုတ်ဆက်တဲ့အလေ့အထသိပ်မရှိကြဘူး။ မြန်မာတွေ ကျန်းမာရေးကို အတော်အလေးထားတာသိသာတယ်။ ဟုတ်တယ်လေ .. လူကျန်းမာမှ ကျန်တဲ့ စီးပွားရှာတာ၊ ပညာရေး၊ လူမူရေး အားလုံး အစဉ်ပြေချောမွေ့နိုင်တော့မှာကိုး။

ကျန်းမာရေးလိုက်စားလားလို့မေးရင် သိပ်မလိုက်စားဖြစ်ခဲ့ဘူးလို့လည်းပြောမရသလို၊ အမြဲတမ်းပုံမှန် လေ့ကျင့် ခန်းလုပ်နေတဲ့သူတယောက်လည်းမဟုတ်ပြန်ပါဘူး။ ဘယ်အားကစားကို အကြိုက်ဆုံးလည်းဆိုရင် တင်းနစ် လို့ ဖြေလိုက်ပေမဲ့ တင်းနစ်ကိုထဲထဲဝင်ဝင်ရိုက်ဖူးတဲ့သူဖြစ်မနေပြန်ဘူး။ ဘယ်အားကစားတွေလုပ်ဖူး ခဲ့တုန်းဆိုတဲ့ မေးခွန်းကိုလည်းဖြေဖို့ဆိုရင်တော့ မစို့မပို့လေးရေကူးဖူးတယ်၊ ငါးလလောက်တောက်လျှောက် အေရိုးဘစ် ကစားတယ်၊ နောက်နှစ်တော်တော်ကြာတော့ အမျိုးသားရေကူးကန်မှာဖွင့်တဲ့ အားကစားရုံမှာမနက်ဆိုသွား ကစား တာတွေကိုပဲ လေသံပျော့ပျော့လေးနဲ့ပြောနိုင်မှာပါ။

အဲ..ရဲရဲတင်းတင်းပြောနိုင်တာဆိုလို့ လမ်းလျှောက်တာပါပဲ။ လမ်းလျှောက်တဲ့လေ့ကျင့်ခန်းကိုများ အရေးတယူ ပြောရတယ်လို့ စိတ်တော့မစောသွားကြပါနဲ့ဦး။ အထက်ကလေသံပျော့လေးနဲ့ပြောပြခဲ့တဲ့ လေ့ကျင့်ခန်းတွေက သူငယ်ချင်းတွေ အဆွယ်ကောင်းလို့သော်လည်းကောင်း၊ ကိုယ့်ကိုကိုယ်လေ့ကျင့်ခန်းလုပ်ဖို့ လိုနေပြီဆိုတဲ့ စိတ်ကြောင့်သော်လည်းကောင်း ပိုက်ဆံတွေ အကုန်ခံပြီးသွားလုပ်ခဲ့ပေမဲ့။ တကယ်တမ်းတော့ သူငယ်ချင်းတွေနဲ့ သင်တန်းအပြီး ဟိုဒီလျှောက်သွားလမ်းသလားခဲ့တာတွေကြောင့် ထိထိရောက်ရောက်ဘာမှ သေချာမလုပ်ဖြစ်ခဲ့ ဘူး။ လမ်းလျှောက်တာတမျိုးကိုပဲ ထိထိရောက်ရောက်သေသေချာချာ လုပ်နိုင်ခဲ့တာပါ။

နောက်ပြီးပြောရမှာလည်း အားရပါးရရှိတယ် လမ်းလျှောက်တယ်ဆိုတာ ကိုယ့်အိမ်ခြံဝန်းလေးတင်လျှောက် ခဲ့တာ မဟုတ်ပါဘူး။ ကန်တော်ကြီးကို နေ့တိုင်းတပတ်လမ်းပတ်လျှောက်ခဲ့တာပါ။ ပထမတော့ ဖိုးစိန်လမ်းထိပ် ကနေ ဗိုလ်ချုပ်ကြေးရုပ်နားထိပဲလျှောက်တာပါ။ နောက်တော့နေ့တိုင်း ဒီလောက်လေးလျှောက်ရတာ ချွေး တောင်မစို့တာ နဲ့ တနေ့ နည်းနည်းပိုပိုလျှောက်ရင်းနဲ့ ကန်တော်ကြီးတပတ်ဖြစ်သွားတယ်။ လမ်းလျှောက်လို့ မောပြီးချွေးစို့လာတော့ကန်တော်ကြီးရဲ့ ရေပြင်ကိုဖြတ်တိုက်လာတဲ့လေညှင်းလေးကိုရှုလိုက်ရင် အမောကိုပြေ လို့။

မနက်တိုင်း ၅နာရီ အိပ်ရာထ ကန်တော်ကြီးတပတ်လမ်းလျှောက် ၆နာရီ၁၅မိနစ်လောက်ဆို အိမ်ပြန်ရောက် နံနက်စာစား ပြီးတော့ရုံးသွား။ အဲတုန်းကဆိုရင် အဖျားအနာဖြစ်ခဲတယ် ကြီးကောင်ဝင်ထဲက ခံစားရတဲ့ ခေါင်းတခြမ်းကိုက်တတ်တဲ့ရောဂါလည်းပေါ်မလာတော့ဘူး၊ နောက်ကြောတက်တာလည်းမဖြစ်တော့၊ ဘာစား စားဝလာတယ်မရှိလို့ အကြိုက်ကိုတွေ့လို့ပေါ့။ ဒီလိုလမ်းလျှောက်တာကြာလာတော့ လမ်းလျှောက် ရတာကို သဘောကျလာတော့တယ်။ ရုံးကအပြန်ဘစ်ကားတွေသိပ်ကျပ်တဲ့နေ့တွေဆို မြို့ထဲပန်းဆိုးတန်း ကနေ အိမ်ရှိတဲ့ ကန်တော်ကြီးနား အထိကို လမ်းလျှောက်ပြန်ခဲ့ဖူးတာ အကြိမ်ပေါင်း မရေနိုင်ဘူး။

ရန်ကုန်ကနေခွာခဲ့ပြီးတဲ့နောက်ပိုင်းမှာ စားဝတ်နေရေးပင်လယ်ထဲစီးမျောနေလိုက်တာ ဘာလေ့ကျင့်ခန်းမှ မလုပ် ဖြစ်တော့။ တနေ့တနေ့ အလုပ်ကိုအပြေးအလွှားသွား အလုပ်မှာဦးနှောက်ကို အရည်ပါညှစ်ထုတ် လိုက်ရသလို လုပ်ခဲ့ရလို့ အိမ်ပြန်ရောက်တော့ မောပန်းပြီး ခြေလက်တောင်မသယ်ချင်တဲ့ ဘဝထဲမှာ ပျော်ပျော်ပါးပါး နေလာလိုက်တာ ဆယ်စုနှစ်တစုနီးပါးရှိလာခဲ့ပြီ။ သမီးမွေးပြီးရင် လမ်းလျှောက်မယ်ဆိုတဲ့အကြံနဲ့ ဝယ်ထားတဲ့ ဖိနပ်နဲ့ အင်္ကျီတွေဟာလည်း ယောင်္ကျားကသတိရတိုင်း စနောက်စရာတခုလိုဖြစ်လို့။ (ခုတောင် စာ ရေးရင်းဖိနပ်လေးကို လှမ်းကြည့်လိုက်မိသေးတယ်)

သူစလည်း စချင်စရာပါပဲ လေ့ကျင့်ခန်းလုပ်ဖို့မပြောနဲ့ တနေ့နေလို့ အိမ်ပေါ်က အိမ်အောက်ကိုမဆင်းမိတဲ့ ရက်တွေပဲများလာတယ်။ နိစ္စဓူဝ သမီးကိစ္စလုပ်ကိုင်ပေးနေရင်းနဲ့ နေကုန်လို့ကုန်မှန်းမသိဖြစ်လာတယ်။ ဒီကြား ထဲမှာ ပြီးခဲ့တဲ့နှစ်လလုံး အိမ်ရှိလူကုန် တရှောင်ရှောင်ဖြစ်ကြတော့ ဒီ ကျန်းမာရေး နဲ့ လေ့ကျင့်ခန်းဆိုတဲ့ စာလုံးကြီးကို တွဲတွဲပြီး မျက်စိထဲမြင်ယောင်ယောင်လာတယ်။ အရင်တုန်းကများ လေ့ကျင့်ခန်းမှန်မှန်လေးလုပ် နေတော့ ခန္ဓာကိုယ်ကြီးက ပုံမှန်လည်ပတ်မျှတနေတယ်။ ခုတော့ နည်းနည်းလေးဆို ခေါင်းကိုက်ရတာနဲ့ ဗိုက်အောင့်တဲ့ရောဂါလည်းပြန်ဖြစ်လာပြန်တယ်။(အမအိမ်လွမ်းသူ ဆီမှာဓာတ်စာသွားတောင်းရသေးတယ် - ကျေးဇူးတင်တယ်အမရေ..)

လူကနေမကောင်းမှတော့ စိတ်လည်းမကြည်လင်။ ဘာလုပ်လုပ် ဘာပြောပြော စိတ်ကမရှည်ချင်။ မျက်နှာ ကဘယ်လောက်တောင် သုန်မှုန်နေလည်းဆိုရင် ဈေးဆိုင်သွားတာတောင်မှ ဆိုင်ကလူတွေက နေမကောင်းဘူး လားလို့ မေးယူရတဲ့ အထိပါပဲ… ။ အော် .. အာရောဂျံ ပရမ္မံလာဘံ ဆိုတာမှန်လိုက်တာနော်။

ဘာပဲဖြစ်ဖြစ် ရှိတဲ့အချိန်တွေထဲကဖဲ့ပြီး လေ့ကျင့်ခန်းလေး ပုံမှန်ပြန်လုပ်နိုင်အောင်တော့ ကြိုးစားရပေဦးမည်။ ဘာလို့လည်းဆိုတော့ .. ဒီအတိုင်းသာ လေ့ကျင့်ခန်းမလုပ်ဘာမလုပ်နဲ့ ဆက်သွားနေရင် .. သက်တော် ၁၂၀ ရှည်စေသောဝ် ဆိုတဲ့ ရက်ချူပ်ဇာတာပေါ်က ဆုတောင်းလေးကို ဖြည့်ဆည်းနိုင်ခွင့်မရလိုက်မှာကို စိုးရိမ်လွန်းလှ ပါသည်။





စိုးသင့်ဆွေ
ဖေဖော်ဝါရီလ ၁၀၊ ၂၀၀၉
နံနက် ၁၂း၁၂ မိနစ်

(Photo Credit to http://www.sxc.hu/profile/glumus)

Read More...

Wednesday, January 28, 2009

သံလွင်အိပ်မက် အတွဲ(၃) အမှတ်(၁) အင်တာနက်မဂ္ဂဇင်း



ပညာရေးအသားပေးကဏ္ဍများပါဝင်သည့် သံလွင်အိပ်မက် အင်တာနက်မဂ္ဂဇင်း အတွဲ(၃)အမှတ်(၁) ထွက်ရှိလာပါပြီ။ သံလွင်အိပ်မက်မှာပါတဲ့ မိုးခေါင်လွင်ပြင်၌ပျိုးသောပန်းခင်း ဝတ္ထုတိုလေးကိုဖတ်ဖို့ဖိတ်ခေါ်ပါရစေ။



Read More...

Thursday, January 22, 2009

သမတ ကျမ်းကျိန်ပွဲနေ့ ချီတက်ပွဲဓာတ်ပုံများ


ဓာတ်ပုံတွေအောက်မှရည်ညွှန်းချက်စာတွေကိုဖတ်ချင်တယ်ဆိုရင်တော့ ဓာတ်ပုံပေါ်ကို Click ပြီးကြည့်နိုင်ပါတယ်။



Read More...

Wednesday, January 21, 2009

ဝမ်းနည်းမှုများ နဲ့ ညနေခင်း

မနေ့ မနက်လင်းအားကြီးထဲက စပြီး ဝါရှင်တန်ဒီစီရဲ့လမ်းမတွေပေါ်မှာ လူတွေဟာရှုပ်ရှက်ခပ်နေပြီး သမတ ကျမ်းကျိန်ပွဲအတွက်စိတ်အားထက်သန်နေကြပါတယ်။ နေ့လည်ခင်းမှာတော့ သမတ အိုဘားမားကို ဂုဏ်ပြုတဲ့အနေနဲ့ အလှပြချီတက်ပွဲလုပ်ခဲ့ပါတယ်။ ချီတက်ပွဲကို နေ့လည်ခင်း ၂း၃၀ ခွဲမှာ Capitol ရှိတဲ့ Constitution Avenue ကစတင်ပြီး သမတ အိမ်ဖြူတော်ရှိတဲ့ Pennsylvania Avenue နဲ့ 17 th လမ်းဆုံတဲ့ ထောင့်မှာ အဆုံးသတ်ခဲ့ပါတယ်။

သမတကျမ်းကျိန်ပွဲကိုသွားကြည့်ချင်ပေမဲ့ အိမ်မှာ သမီးလေးကိုထားခဲ့ဖို့ လူခွဲမရှိတာရော၊ အမျိုးသားက အလုပ် သွားရတာရောနဲ့မို့ မသွားကြည့်နိုင်ခဲ့ပါဘူး။ အလှပြချီတက်ပွဲကိုလည်း စောစောသွား နေရာကောင်းယူပြီး သမတနဲ့ သမတကတော် လူထုကိုနှုတ်ဆက်တာကို ကြည့်ချင်ပေမဲ့လည်း အမျိုးသားအလုပ်က သမတ ကျမ်းကျိန်ပွဲအထူးအစီအစဉ်တွေအတွက် အလုပ်များသွားတာမို့ ရုံးကညနေ ၃ နာရီထိုးမှပြန်ရောက်လာခဲ့လို့ သူပြန်ရောက်မှ အိမ်ဖြူတော်ဘက်ကို အပြေးအလွှားသွားရပါတော့တယ်။

အိမ်က ၁၇ လမ်း နဲ့ Q လမ်းထောင့်မှာရှိပေမဲ့ သမတ အိမ်ဖြူတော်ရှိတဲ့နေရာကိုရောက်ဖို့ အတော် လမ်းလျှောက် ရဦးမှာမို့ အဌားပဲစီးသွားတော့မယ်ဆိုတဲ့စိတ်ကူးဟာလမ်းမပေါ်ရောက်တော့ အိမ်နားကလမ်းတွေကို လုံခြုံရေး အနေနဲ့ စစ်သားတွေကပိတ်ထားတာ တွေ့ရတယ်။ အဌားကားတစီးကိုတားပြန်တော့လည်း မြို့ထဲကလမ်းတွေ အတော်များများပိတ်ထားလို့ သူတောင်အိမ်ပြန်အိပ်တော့မယ်မလိုက်နိုင်ပါဘူးလို့ စိတ်ပျက်လက်ပျက် ပြောပါ တယ်။ ဒါနဲ့ အိမ်နဲ့မလှမ်းမကမ်းက ဘူတာရုံကို အပြေးတပိုင်းနဲ့ ထွက်ခဲ့ရတယ်။ အချိန်ကလည်း ညနေ ၃း၃၀ ဖြစ်နေပါပြီ။ သမတ က ညနေ ၄နာရီမှာ အိမ်ဖြူတော်ကိုရောက်ပြီး လူထုကို နှုတ်ဆက်မှာဆိုတော့ အချိန်သိပ်မရှိတော့ဘူးလေ။

အရေးထဲမှာ ဘူတာရုံ မှားဆင်းမိလို့ အိမ်ဖြူတော်ရှိတဲ့နားကိုလမ်းလျှောက်လိုက်ရတာက ၁၀မိနစ်လောက်ကြာ လိုက်သေးတယ်။ လမ်းမှာလည်း အိမ်ဖြူတော်ဘက်ကပြန်လာတဲ့လူအုပ် သွားနေတဲ့လူအုပ်နဲ့ ပလက်ဖောင်းတွေ ပေါ်မှာ ခြေချစရာတောင်မှမရှိလောက်အောင်ကို ရှုပ်ရှက်ခပ်နေတယ်။ နောက်ပြီး အိုဘားမား တီရှပ်၊ အိုဘားမား နံရံကပ်ပိုစတာ၊ အိုဘားမား အမှတ်တရ တံဆိပ်ဝိုင်းလေးတွေရောင်းသူတွေ၊ အိုဘားမား နားကပ်၊ အိုဘားမား ဆွဲကြိုး၊ လက်ကိုင်အိတ် ရောင်းနေတဲ့ သူတွေကိုလည်း နေရာအနှံ့မှာတွေ့နိုင်တယ်။ ဘယ်နေရာကြည့်ကြည့် အိုဘားမားမျက်နှာကြီးကိုပဲတွေ့နေရတော့တာပါပဲ။

နောက်ပြီးတော့ ဒီမိုကရေစီနိုင်ငံရဲ့ ချစ်စရာကောင်းလှတဲ့ လွတ်လပ်စွာ ယုံကြည်ပိုင်ခွင့်အနေနဲ့။ အမေရိကန် ကွန်မြူနစ်ပါတီ က လူတစုကိုလည်း လမ်းထောင့်တနေရာမှာ လူတွေကို ကွန်မြူနစ်သတင်းစဉ်တွေ ဝေဌနေ တာလည်းတွေ့ခဲ့ပါသေးတယ်။ အရင်းရှင်စနစ်ရဲ့ ဆိုးကျိုးများကို တော်လှန်ချိန်ရောက်ပြီဆိုပြီး အစ္စရေးနိုင်ငံ နဲ့ ပါလက်စတိုင်းတို့ရဲ့ ဂါဇာတိုက်ပွဲပုံပိုစတာကြီးကိုကိုင်မြှောက်ပြီးတော့ အော်ကြီးဟစ်ကျယ်ရှင်းလင်းပြောပြနေတဲ့ မိန်းမငယ်လေးကိုလည်း တွေ့ခဲ့ရတယ်။ ဓာတ်ပုံတောင်မရိုက်နိုင်ခဲ့ပါဘူး။ သမတကိုမတွေ့လိုက်ရမှာစိုးလို့ သူတို့ ဝေဌနေတဲ့သတင်းစာတစောင်ကိုပဲ ကမမ်းကတမ်း ဆွဲယူခဲ့ပါတယ်။


အိမ်ဖြူနဲ့ အနီးဆုံးဘူတာရုံဖြစ်တဲ့ Farragut West ဘူတာရုံရှေ့မှာတော့လူတွေဟာဘူတာရုံထဲကိုဝင်ဖို့ အတွက်လူတန်းရှည်ကြီးနဲ့စောင့်ဆိုင်းနေကြတာကို တွေ့လို့ဓာတ်ပုံရိုက်ယူခဲ့ပါသေးတယ်။လူတွေကအေး လွန်းလှတဲ့ ရာသီဥတုထဲမှာ ဘူတာရုံဝင်ဖို့ကို တန်းစီ စောင့်နေတာတောင်မှ အပြုံးမပျက်ကြပါဘူး။ တအုပ်စုနဲ့ တအုပ်စု နောက် ပြောင်ရင်း အချိန်ဖြုံးနေကြပါတယ်။

အိမ်ဖြူတော်နဲ့ အနီးဆုံး ၁၇ လမ်းနဲ့ Pennsylvania Ave လမ်းဆုံမှာရှိတဲ့ လုံခြုံရေးဂိတ် A & B ကိုရောက်တော့ အိမ်ဖြူတော်ဘက်ကို သွားလို့မရအောင်ဂိတ်ကိုပိတ်ထားလိုက်ပြီလို့ဆိုပါတယ်။ သမတမိန့်ခွန်းပြောမယ့် နေရာကို လှမ်းမြင်နေရပေမဲ့ အနားတော့ရောက်အောင်ဘယ်လိုမှသွားနိုင်တော့မှာမဟုတ်လို့ စိတ်အတော်ပျက်သွားမိပါ တယ်။ အမေရိကန်နိုင်ငံသားမဟုတ်ပေမဲ့ ပထမဆုံးလူမည်းသမတအဖြစ် အမေရိကန်နိုင်ငံရဲ့ သမိုင်းဝင်နေ့ရက် ကို မျက်မြင်ကိုယ်တွေ့ကြည့်ချင်တာပါ။ နောက်ပြီး သမတဆိုတာကလည်း အပြင်မှာ တွေ့ရခဲတယ်မဟုတ်လား။

ကဲ ဆက်ပြီးသွားလို့ မရဘူးဆိုတော့လည်း ရောက်တဲ့နေရာမှာသာ လက်မှိုင်ချရပ်ပြီးတော့ ၁၇ လမ်းပေါ်ကို မျှော်သာကြည့်နေနိုင်ပါတော့တယ်။ သမတက ၁၇ လမ်းပေါ်ကနေပြီးတော့ ကားနဲ့ အိမ်ဖြူတော်ထဲကို ဝင်သွား မှာဖြစ်တယ်။ ပြီးမှ အလှပြချီတက်တဲ့သူတွေကို စင်ပေါ်ကနေနှုတ်ဆက်မှာပေါ့။

ရာသီဥတုကလည်းအေးလိုက်တာမှ လက်အိတ်စွပ်ထားတာတောင် လက်တွေကအေးခဲပြီး နာတောင်နာကျင် လာ ပါတယ်။ ဘေးနားက လူမည်းအမျိုးသမီးကြီးဆိုရင် သမတကိုတွေ့ဖို့အခွင့်အလမ်းမရှိတော့လို့ အိမ်က ထွက်တာ နောက်ကျတယ်ဆိုပြီးသူ့သမီးကို မြည်တွန်တောက်တီးပြောဆိုနေသံကိုကြားရတော့ ရယ်လည်းရယ်ချင် ရယ် လည်းမရယ်ရက်အောင် သနားစရာကောင်းနေပြန်ပါတယ်။ မိနစ် ၂၀ လောက် အအေးခံရင်း လူတွေရဲ့ စိတ်ပျက်ငြီးညူသံတွေကို နားထောင်ပြီးတဲ့ နောက်ဆုံးမှာတော့ ဆိုင်ကယ်စီးပုလိပ်တွေ ဝိုင်းရံပြီးတော့ သမတစီးလာတဲ့ ကားကိုလှမ်းတွေ့ရပါတယ်။

အကွာအဝေးက အတော်ဝေးပေမဲ့ လူပုံသဏ္လန်ကိုတော့ ကောင်းကောင်းမြင်နိုင်တဲ့ အနေအထားပေါ့လေ။ သမတနဲ့ သမတ ကတော်တို့ လမ်းဆင်းလျှောက်မယ်ဆိုရင်တော့ မြင်နိုင်တဲ့ အနေအထားပါ။ ကံကောင်းစွာနဲ့ပဲ သမတ က ၁၇လမ်းနဲ့ Pennsylvania လမ်းဆုံနားကျတော့ လမ်းဆင်းလျှောက်ပါတော့တယ်။ ဘေးနားကရှိသမျှ လူတွေ အော်လိုက်ဟစ်လိုက်ကြတာ ကမ္ဘာပျက်သလားအောင်းမေ့ရပါတယ်။ ခုနက လူမည်းအမျိုးသမီးကြီး ဆိုရင် ခန္ဓာကိုယ်ဝဝကြီးနဲ့ ခုန်ပေါက်နေပါတယ်။ သမတတို့ ဇနီးမောင်နှံကို ဓာတ်ပုံရိုက်ဖို့မပြောနဲ့ သူ ကိုယ့် ခြေထောက်ကို မနင်းမိအောင်တောင် မနည်းရှောင်နေရပါတယ်။

ဘာပဲပြောပြော နောက်ဆုံးတော့ အမေရိကန်နိုင်ငံရဲ့ ပထမဆုံးသော လူမည်းသမတကို မျက်မြင်ကိုယ်တွေ့ အရှင်လတ်လတ်ကြီးတွေ့ခွင့်ရခဲ့ပါတယ်။ အမေရိကန်နိုင်ငံသားတွေရဲ့ မျှော်လင့်ခြင်းများစွာကို ပိုင်ဆိုင်သူ အပြောင်းအလွဲတွေဖန်တီးပေးမယ်လို့ ယုံကြည်အားကိုးခြင်းခံရသူ သာမာန်ပြည်သူထဲက ပေါက်ပွားခဲ့တဲ့ အမေရိကန်သမတ ဘားရက် အိုဘားမား ဟာ သူ့ရဲ့ ပြည်သူတွေကို နှစ်လိုဖွယ် အပြုံးနဲ့ လက်ဝှေ့ရမ်း နှုတ်ဆက်နေပါတယ်။ သူ့ရဲ့ ဇနီးဖြစ်တဲ့ မီရှယ် အိုဘားမား ကလည်း သူ့ခင်ပွန်း သမတကြီးလက်ကို နံဘေးမှာ ပါရမီဖြည့်ဖက်အနေနဲ့ ဆုပ်ကိုင်ထားပါတယ်။

အမေရိကန်ပြည်သူတွေဟာ သူတို့နိုင်ငံတော်အလံလေးတွေကိုဝှေ့ရမ်းပြီးပျော်ရွှင်နေပါတယ်။ သမတကလည်း ပြည်သူတွေကို အပြုံးနဲ့ပြန်လည်နှုတ်ဆက်နေပါတယ်။ တာဝန်ပေးအပ်သူများနဲ့ တာဝန်ပေးအပ်ခြင်းခံရသူ သမတ တို့ရဲ့ အပြုံးတွေထဲမှာတော့ စိတ်ဓာတ်ခွန်အား နဲ့ အပြန်အလှန်လေးစားယုံကြည်မှုတွေကို အထင်းသား မြင်တွေ့ နေရပါတယ်။

ဒီမြင်ကွင်းကို ကြည့်နေရင်းမှာ ရုတ်ခြင်းဆိုသလိုပဲ ဝမ်းနည်းမိသွားပါတယ်။ ကျမတို့နိုင်ငံမှာ ဒီလိုမြင်ကွင်းမျိုး ဒီလို ဝမ်းမြောက်ပျော်ရွှင်နေတဲ့ မျက်နှာမျိုးတွေကို တအားတွေ့မြင်ချင်မိလာပါတယ်။ ဝမ်းမြောက်ပျှော်ရွှင်နေတဲ့ မျက်နှာတွေအစား ညှိုးငယ်နေသော၊ ဆာလောင်သော၊ အားမတန်မာန်လျော့နေရသော မျက်နှာများ။ နာဂစ် အတွင်း သေဆုံးခဲ့သောကလေးငယ်များ၊ အပျက်စီးများရဲ့ ဓာတ်ပုံများသာ မျက်လုံးထဲမှာ တဆင့်ခြင်းမြင်ယောင် လာပါတယ်။

ကမ္ဘာတဖက်ခြမ်းရှိ တိုင်းပြည်တခုတွင် ပြည်သူတွေချိမ့်ချိမ့်သဲ အောင်ပွဲခံပျော်ရွှင်နေချိန်မှာ ကျမတို့နိုင်ငံရဲ့ ပြည်သူများကတော့ လျှပ်စစ်မီးတောင် နပ်မှန်အောင် မရနိုင်ပဲ လူသားတို့ရဲ့ အခွင့်အရေးတွေ ဆုံးရှုံးနေရပါတယ်။ လွတ်လပ်စွာ ပြောဆို၊ ယုံကြည်ခွင့်များလည်း ဆုံးရှုံးနေရှာပါတယ်။ ကျမ ရင်ထဲမှာ အတိုင်းမသိ ဝမ်းနည်းနာကျင် လာပါတယ်။ သမတ အိုဘားမား နဲ့ သူရဲ့ ပြည်သူများရဲ့ မျက်နှာတွေကို ကြည့်ရင်းပျော်ရွှင်ရမယ့် အစား ပို၍ ပို၍ ဝမ်းနည်းမှုသာ ရင်ထဲမှာပြည့်လာပါတယ်။ အလှပြချီတက်တာတောင် ဆုံးအောင်ကြည့်ရှုနိုင်စွမ်းမရှိတော့ပါဘူး။

လူတွေကို တိုးဝှေ့ပြီးတော့ လူအုပ်ထဲကထွက်လာခဲ့ပါတယ်။ လမ်းတလျှောက်မှာတော့ အလာတုန်းကလိုပဲ လူတွေရဲ့ အပျော်မျက်နှာများကိုတွေ့ခဲ့ရပေမဲ့ သူတို့ရဲ့ အပျော်များက ကျမရင်ထဲကို လုံးဝမကူးစက်နိုင်စွမ်းမရှိ တော့ပါဘူး။ ကျမရင်မှာ ခံစားရခက်အောင် ဝမ်းနည်းခြင်းများနဲ့သာ အပြန်လမ်းတလျောက်မှာပြည့်နှက်လို့သာ လာပါတော့တယ်။






စိုးသင့်ဆွေ
ဇန်နဝါရီလ ၂၁ ရက်၊ ၂၀၀၉
နေ့လည် ၁း၀၀ နာရီ

Read More...

Saturday, January 10, 2009

အိပ်မက်မဖြစ်စေချင်သော စိတ်ကူးလေးများ

မျက်လုံးတွေကို ဖြတ်ကနဲဖွင့်ကြည့်လိုက်တယ်။ ခန္ဓာကိုယ်က လှဲလျောင်းလျက် အနေအထားမို့ အိပ်ရာထဲမှာ ဆိုတာ သေချာသိလိုက်တယ်။ ဒါဖြင့် ငါဘယ်ရောက်နေတာလဲ … ကိုယ့်ကိုကိုယ် မေးခွန်းပြန်ထုတ်နေမိတယ်။ ခြေရင်းက ပြူတင်းပေါက်ကို လှမ်းကြည့်လိုက်တော့ အလင်းရောင်မှုန်ပြပြ မြင်လိုက်တယ်တော့မှ အာရုဏ်ဦးအ လင်းရောင်ဆိုတာကို သတိထားမိသွားတယ်။ အော် ..ညက အလုပ်ကပြန်လာပြီးတော့ ပင်ပန်းလွန်းလို့ အိပ်ရာပေါ် ခဏဆိုပြီး လှဲလိုက်တာ မိုးလင်းသည်အထိ အိပ်လိုက်မိတာကိုး။

ပြူတင်းပေါက်က မြင်ရတဲ့ရောင်နီဖြဖြကို အိပ်ရာက မထပဲကြည့်နေတုန်းမှာပဲ ဟိုးဝေးဝေးဆီက အိပ်တန်းကနိုးပြီး ကယောင်ကတမ်းတွန်လိုက်တဲ့ ကြက်တွန်သံကိုကြားလိုက်ရတော့ ရင်ထဲမှာနွေးထွေးသွားပြီး အာရုံတွေလည်း လန်းဆန်းလာတယ်။ နေ့သစ်တခုကိုရောက်ခဲ့ပြန်ပြီ။ နည်းနည်းချမ်းစိမ့်စိမ့်ဖြစ်လာတာနဲ့ စောင်ကိုမေးဖျားအထိ ရောက်အောင်ဆွဲခြုံလိုက်မိတယ်။ ဒီလိုဆောင်းတွင်းမျိုးမှာအိပ်ရာနိုးနိုးခြင်းမထသေးပဲ စောင်ခြုံကွေးရတာလောက် ကောင်းတဲ့ အရသာမရှိဘူး။ အပြင်မှာ နှင်းမြူတွေများဆိုင်းနေပြီလား။

အိပ်ပျော်မလိုဖြစ်သွားတုန်းမှာ .. "ပဲ....ပြုတ်၊ နံပြား………." အသံကို အနိမ့်အမြင့် နဲ့ ဆွဲဆွဲငင်ငင် အော်လိုက်တဲ့ ပဲပြုတ်သည် အသံဟာလည်း နားဝင်ကိုချိုနေတာပဲ။ ပဲပြုတ်နံပြားကို ပဲဆီဆိမ့်ဆိမ့်လေးဆန်း စားပြီး ကော်ဖီပူ လေးနဲ့ မျောချလိုက်ချင်ပေမဲ့ အိပ်ရာကထရမှာပျင်းနေတာနဲ့ပဲ ဒီနေ့တော့ လမ်းထိပ်က မုန့်ဟင်းခါးဆိုင်ကို ချီတက် မယ်လို့ စိတ်ကူးလိုက်တယ်။

အော်.. မေ့နေလိုက်တာ ဒီနေ့ စနေနေ့ပဲ..။ အလုပ်သွားစရာမလိုတဲ့နေ့ ကောင်းလိုက်တာ .. ဒါဆိုရင်တော့ ပန်းဆိုးတန်း စာအုပ်အဟောင်းတန်းဘက် သွားဦးမှပဲ မှာထားတဲ့ စာအုပ်ဟောင်းလေးတအုပ်ရပြီလား စနည်းနာ ရင်း နဲ့ အမေ့အိမ်တို့၊ စာပေလောကတို့ဝင်မွှေပြီး စာအုပ်လေးဘာလေးဝယ်ဦးမှပဲ။ ဖတ်စရာစာအုပ်တွေကုန်နေပြီ။ ဝမ်းစာဆိုတာဖြည့်နေရတယ်တဲ့... ဝမ်းစာပြည့်မှ အကြည်ဓာတ်ရတယ်ဆိုတာကလား။

အဲ.. နောက်ပြီးတော့ လောကနတ်ပန်းချီခန်းပေါ်လည်းတက်ဦးမှ.. ပန်းချီမောင်ဒီ၊ ပန်းချီကြီးမြင့်စော၊ နေမျိူးဆေး တို့ရဲ့ ကားတွေ ပြပွဲရှိနေတယ်တဲ့ ။ ပန်းချီကြီးမြင့်စောရဲ့ "ရန်ကုန်ည" ပန်းချီကားလေး တင်ထားတယ် ပြောတယ် နာမည်ကြီးကားလေးကို သွားကြည့်မှ.. သွားကြည့်ဦးမှ။

အော် … ရေးလက်စ ကားလေးရပ်ထားရတာ ခုမှသတိရတယ်။ ဒါဆို လောကနတ်ပန်းချီခန်းက အပြန် ဗိုလ်ချုပ်ဈေးသွားရဦးမှာပဲ ကုန်နေတဲ့ အာခရစ်လစ် (Acrylic) ဆေးလေးနည်းနည်းပါးပါးဝယ်ရမယ်။ စုတ်တံ ပြားလေးလည်း တချောင်းလောက်ထပ်ဝယ်ရမယ်။ ရှိနေတဲ့ဟာက ဖိရလွန်းတော့ အနားတွေဖွာပြီး ယပ်တောင် ဖြစ်နေပြီ။ ဒါဆိုရင်တော့ ရိုးရာပန်းပညာရှင်များအစည်းအရုံးပြခန်းကိုလည်း ဝင်ကြည့်လိုက်မှပဲ မရောက်တာ လည်းကြာ နေပြီဆိုတော့ ပန်းချီကားသစ်တွေတင်ထားမှာပဲ။

အဲ .. ဈေးရောက်မှတော့ နေ့လည်စာကို ဈေးမှာပဲစားတော့မယ်။ ဦးကြွိ ဘဲပေါင်းဆီချက် မစားရတာကြာပြီ စားပြီးရင် ဘေးဆိုင်က ရွှေရင်အေးမှာပြီး တဝကြီးသောက်လိုက်ဦးမှ။ အမေ့တို့ကိုပြောခဲ့ဖို့မမေ့နဲ့ဦး တော်ကြာ ထမင်းစားစောင့်နေဦးမယ်။ သူတို့ကလည်း စနေ၊ တနင်္ဂနွေ မိသားစုလေးလက်စုံစားချင်တာပေါ့။ ကိုယ်က တော့ အားတဲ့ရက်ဆိုတော့ .. သွားစရာလေးတွေကိုသွားချင်တဲ့ စိတ်ကများနေတယ်။

အင်း.. သူငယ်ချင်းတွေနဲ့လည်း မတွေ့ရတာကြာပြီ။ ဒါဆိုရင်တော့ ဗိုလ်ချုပ်ဈေးက အပြန် ၃၂လမ်းကိုဘက်လှည့် လိုက်ဦးမယ်။ ဆရာဆူဒိုနင် နဲ့လည်း မပွားရတာကြာပြီ ၃၉ လမ်းက ဆရာ့အလုပ်ခန်းကို ဝင်တွေ့လို့ရသေးတယ်။ ကောင်းလိုက်တဲ့ ငါ့အကြံနှယ်….။ တချက်ခုတ်သုံးလေးငါးချက်ပြတ်အောင်တော့လုပ်မှ .. ရတဲ့ အားရက်က စနေရယ် တနင်္ဂနွေရယ် နှစ်ရက်ထဲရယ်။

သူငယ်ချင်းတွေနဲ့တွေ့ရင် .. စကားတွေပြောရင်းနဲ့ နေ့လည် ၃နာရီလောက်အထိဖြစ်သွားတော့မှာပေါ့။ ကောင်းတာပဲ ဒါဆိုလည်း .. မြို့ထဲကနေဆို တရုတ်တန်းကို နီးနီးလေး .. ၁၉လမ်းမှာ ဆန်ပြုတ်နဲ့ ဘဲသားသုတ် သွားစားလိုက်မယ်။ ဟိုကောင်တွေကတော့ သောက်မှာပဲ.. သူတို့သောက်တဲ့ဆိုင် အရင်မဝင်ခင် ငါ့ ဆံပြုတ်ဆိုင် ကို အရင်သွားစားဖို့ဆွယ်ရမယ်။ အမေ့ကိုတော့ ညစာပါ အပြင်မှာစားမယ်ပြောပြီး တနင်္ဂနွေ မှ မိသားစုနဲ့ ထမင်းအတူတူ စားပါ့မယ်လို့ ဂတိပေးခဲ့ရမယ်။

အင်း .. ဒါပေမဲ့ ဒီကောင်တွေက မူးရင်ရစ်တတ်တယ် ယောင်္ကျားလေးတွေဆိုတော့ ရစ်ပြီးစကားထများ နေလို့ ကတော့မဖြစ်သေးပါဘူး။ ပြီးတော့ သူတို့သောက်တဲ့ဆိုင်မှာ ငါတယောက်တည်းမိန်းကလေး ဘာလုပ်နေရမှာ တုန်း ငါလည်းဝင်မော့လို့ရတာမဟုတ်ဘူး အကင်လောက်ပဲစားလို့ရမှာ။

ရှုပ်ပါတယ်.. အင်းလျားကန်ဘောင်သွားမယ်လို့ပြောမှ၊ ဒါကောင်းတယ် ဘူးသီးကြော်စားရင်း .. ဟိုကြည့် ဒီကြည့်နဲ့ ဇာတ်လမ်းတပုဒ်ရသွားနိုင်တယ်။ ဒါမှမဟုတ်လည်း ပန်းချီဆွဲဖို့အာရုံခုခုပေါ့။ ကျောင်းကိုလည်း အလွမ်းပြေသွား ကြည့်လိုက်ချင်သေးတယ်။ ဝင်လို့တော့ရမယ်မထင်ဘူး.. အင်းလျားဘက်အပေါက်မှာရှိတဲ့ခွေးတွေက ညနေ မှောင်ရီတရောဆို ဝင်တဲ့သူကိုဆွဲတတ်တယ်ဆိုပဲ။

အဲတော့…ခုမှသတိရတယ် အနော်ရထာလမ်းပေါ်က ညဘက်ပလက်ဖောင်းပေါ်ခင်းရောင်းတတ်တဲ့ ဈေးသည်တွေ ဆီက အစွန်းချွတ်ဆေးလည်းဝယ်ချင်သေးတယ်။ ဟိုနေ့က ရုံးအကျီင်္အချဉ်ရည်တွေပေသွားတယ်။ ကျောက် မြောင်းထဲမှာပေါ့ ပုဇွန်ခွက်ကြော်သုတ်စားရင်းနဲ့လေ။ အင်း.. ငတ်တယ်လို့ပြောလည်းခံရုံပဲ တတ်နိုင်ဘူး။ ခုလည်းကြည့်လေ…အင်းလျားသွားချင်တယ် ဆိုပြီးတော့ စိတ်က မီးသတ်နားက ဒေါ်ရိတ်ကြီးရဲ့ မြင်းခွာရွက်သုတ် ကိုလွမ်းနေတယ်။

ဒေါ်ရိတ်ကြီးဆိုင်မှာထိုင်ပြီး လူတွေ လှုပ်လှုပ်ရှားရှားနဲ့ အိမ်ပြန်ကြ..လိုင်းကားတွေတဝှီးဝှီးနဲ့ နီယွန်မီးအောက်မှာ အလုအယက်မောင်းနေတာကို ရေနွေးကြမ်းတအိုးနဲ့ ထိုင်မြည်းရင်း တခါတခါ "ထူးအိမ်သင်ရဲ့ မြို့ပြညများ" ကိုနှုတ်က တိုးတိုးညီးမိတာတောင် သတိမထားလိုက်မိတဲ့ အခါတွေရှိတယ်။

ညဘက်ကြမှ အမေနဲ့ အဖေ့ကို ရွှေတိဂုံဘုရားဘက်ခေါ်သွားလိုက်ရင် တနေ့လုံးလျှောက်လည်ထားတဲ့ သူတို့သမီးကို စိတ်ပြေကောင်းပါရဲ့။ အမေတို့တော့ ဓာတ်လှေကားစီးချင်စီးကြပါစေ ကိုယ်ကတော့ ဘုရားကုန်း တော်ပေါ်ကို လှေကားနဲ့ပဲတက်မယ်။ စောင်းတန်းကဈေးသည်တွေရဲ့ ဈေးခေါ်တဲ့ အသံလေးတွေက နားထောင် ကောင်းလွန်းလို့။

ရင်ပြင်တော်ပေါ်ရောက်ရင်တော့ အမေတို့ ပုတီးစိပ်နေတုန်းမှာ တန်ဆောင်းတခုထဲဝင်ပြီး ဘုရားကြီးပေါ်က ခေါင်းလောင်းလေးတွေ လေတိုက်လို့လှုပ်တဲ့အသံသာသာလေးကို ကြည်နှုးမှုနဲ့ထိုင်နားထောင်ပစ်လိုက်ဦးမယ်။ ကံကောင်းရင် ဘုရားရှိခိုးကို ဌာန်ကရိုင်းကျကျဆိုပြီး ရှိခိုးနေတဲ့သူ တယောက်ယောက်ရဲ့ အသံကိုပါနားထောင်ခွင့် ရနိုင်တယ်။ ဘုရားပေါ်ကအဆင်းကြရင်တော့ စံပယ်ဖူးပန်းကုံးတွေ အိမ်ကဘုရားကိုကပ်ဖို့ ဝယ်သွားဦးမှ။

ဟဲ့ .. ငါ့စောင်ကို ဘယ်သူလာဆွဲတာတုန်း။ ဒီမှာ တနေ့လုံးအတွက်အစီအစဉ်ကို ချမ်းချမ်းနဲ့ စောင်ခြုံထဲကွေးရင်း စဉ်းစားနေတာ။ အို.. အို .. ဆံပင်တွေကို ဆွဲပြန်ပြီ.. ဒီတခါတော့မျက်လုံးဖွင့်ကြည့်တော့မှပဲ။ မျက်လုံးဖွင့် လိုက်တော့ မျက်ဝန်းနက်နက်လေးတစုံကိုတွေ့လိုက်တယ်။ "ဒါ.. ဒါ .. ဒါ.. မားမား.. မား.." မပီကလာ အသံလေးကို ကြားတော့မှ အော်….သမီးလေးပါလား.။ သူတယောက်ထဲ နိုးနေလို့ အမေကို လာနိုးနေတာကိုး ။

ဟင် !!! ဒါဆို .ခုရောက်နေတာ .. မြန်မာပြည်မဟုတ်ဘူးပေါ့။ ရန်ကုန်မှာမဟုတ်ဘူးပေါ့။ ခုနက တွေးနေတဲ့ အစီအစဉ်တွေ…. အားလုံး ……. ဘာတွေလည်း အိပ်မက်တာလား .. မဟုတ်ပါဘူး ပဲပြုတ်သည်အော်သံကို အတိအကျကြားလိုက်ပါတယ်။ လင်းကြက်တွန်သံကြီးရော… ရန်ကုန်မဟုတ်ရင် ဘယ်က ကြက်တွန်သံကြားရမှာ လဲ။

အိပ်ချင်မူးတူးဖြစ်နေတဲ့ စိတ်တွေအားလုံးကို ကမြောသောပါးစုစည်းနေရင်းနဲ့ ရင်ဘတ်ထဲမှာဟာသွားတယ်။ ဟာတာတာရင်ဘတ်ကြီးနဲ့ထပ်တူ လူလည်း ဝမ်းနည်းပန်းနည်းဖြစ်သွားတယ်…။ ရောက်နေတဲ့ အရပ်ဒေသဆီကို စိတ်တွေပုံမှန်ပြန်ရောက်တော့မှ မွေးမြေရပ်မြေနဲ့ မိုင်ပေါင်းများစွာဝေးကွာနေသောမျက်နှာစိမ်းတို့၏ အရပ်ဒေသ။

ပဲပြုတ်သည်မလာသော..လင်းကြက်တွန်သံလေးမှရေးရေးမကြားရသော…..ပန်းဆိုးတန်းစာအုပ်အဟောင်းတန်း မရှိသော.. မြန်မာ့အလှပန်းချီကားများမရှိ..၊ ၃၂ လမ်းမရှိ…၊ ဒေါ်ရိတ်ကြီးမရှိ..၊ ၁၉လမ်းမရှိ၊ ဗိုလ်ချုပ်ဈေးမရှိ..၊ ရင်မခုန်သောဒေသ.. ခံစားချက်မရှိ.. .. ပျော်ရွှင်မှုမရှိ…မိဘမရှိ.. ချစ်ခင်သူများမရှိ… မရှိ… .. မရှိ… ဘာမှ မရှိသော အရပ်ဒေသတခုမှာခြေစုံရပ်လျက်သား။ မိသားစုဘဝတခုတည်ဆောက်လျက်သား။

ပြန်ရန်လမ်းဖြင့်တနေ့ရောက်လာဦးမယ်ဆိုတဲ့ မျှော်လင့်ချက်ရောင်ခြည်လေးမျှရှိမနေရင် သေဆုံးပြီးသည်နှင့် ထပ်တူကျမည့် ဘဝတခုကို ထမ်းပိုးလျက်… ရှိသော လူတယောက် နှင့် သူချစ်သောသူနှစ်ယောက်။ ဘဝသည် စနှင့်ပြီးဖြစ်နေ၍သာ ဆက်၍သယ်ပိုးနေရသည်…လွတ်ချခွင့်ရှိရင်လွတ်ချလိုက်ပြီး အသစ်မှပြန်ကာစလိုက်ချင် တော့သည်။

ဆုတောင်းတိုင်းပြည့်မယ်ဆိုလျှင် တောင်းမည့်ဆု တခုသာရှိပါသည်။ ။



စိုးသင့်ဆွေ
ဇန်နဝါရီလ ၁၀ရက်၊ ၂၀၀၉
နံနက် ၁း၂၀မိနစ်

(စိတ်ကူးအိမ်မက်များ .. အတွက် တဂ်ထားတဲ့ ညီမ Mirror အတွက် အမှတ်တရ)

Read More...

Sunday, December 28, 2008

မျက်နှာဖုံးများဖြင့် ကခုန်ခြင်း


လေယာဉ်တံခါးက ထွက်လိုက်တော့ အေးချမ်းတဲ့ လေအေးက သူ့ခန္ဓာကိုယ်ကို တိုးဝှေ့သွားတယ်။ သူလာခဲ့တဲ့ အရပ်ဒေသနဲ့မတူတဲ့ ရာသီဥတု၊ အပြင်အဆင်တွေက မြင်ကွင်းကို အသစ်အဆန်းဖြစ်နေစေတယ်။ သူလာခဲ့တဲ့ ဒေသမှာတော့ လူတွေကားတွေ မနားတမ်းလှုပ်ရှားရုန်းကန်နေကြတယ်။ သစ်ပင်ကြီးကြီးမားမားတွေလည်း မြို့ထဲ မှာသိပ်မရှိ၊ ပန်းမာန်တို့ရဲ့စိမ်းလမ်းစိုပြေမှုမရှိဘဲ ခြောက်သွေ့လို့နေတယ်၊ ကားတွေ စားသောက်ဆိုင်တွေက ထွက် တဲ့မီးခိုးငွေ့ရနံ့တွေလှိုင်နေတဲ့ လေထုလည်းရှိရဲ့။ ခုရောက်ရှိနေထိုင်မဲ့ မြို့လေးမှာတော့ ထိုအရာများကို တွေ့မြင် ခံစားရမှာ မဟုတ်တော့ပေ။

အသင့်စောင့်ကြိုနေတဲ့ကားပေါ်မှာ သူစီးနှင်းလိုက်ပါလာတော့မှ မြို့လေးကိုသူ သေချာစိတ်ကြိုက် လေ့လာ ခွင့်ရသွားတယ်။ မြို့လေးမှာ ကားတွေ၊ ယာဉ်တွေသိပ်မရှုပ်ထွေး၊ ထူးခြားတာက လူတိုင်းလိုလိုပင် စက်ဘီးတွေကို အားကိုးပြီး ခရီးသွားလာနေကြခြင်းပင်။ ပြီးတော့မြို့ပြမှာမြင်ရခဲသော မြင်းလှည်းများ။ ထို့နောက် ထူးခြားလှပတဲ့ မြင်းရထားလုံးများ။ မြင်မြင်သမျှ အရာအားလုံးသူ့အတွက်တော့ အသစ်တွေဖြစ်လို့နေသည်။

သူစီးလာတဲ့ကား လမ်းမကြီးဆီကနေ လမ်းသွယ်ထဲကိုဝင်လာတော့ မြင်ကွင်းတွေကတမျိုးပြောင်းသွားတယ်။ အိမ်ပုံစံတွေက ခေတ်မှီပုံစံတွေ မဟုတ်ပေမဲ့ ခန်းငြားထည်ဝါမှုကြောင့် အမြင်မှာတင့်တည်လှသည်။ ခြံဝင်းကျယ် များကြောင့် အိမ်၏ပုံစံကိုခြံဝက မမြင်သာအောင် ဂိတ်တံခါးနှင့် အိမ်ဆင်ဝင်တို့အလှမ်းကွာဝေးသည်။ သူပင်စင်ယူ ရတော့မယ်ဆိုတည်းက ဒီမြို့လေးကို ခေါင်းချရာမြို့လေးအဖြစ်ရွေးချယ်ခဲ့သည်။ တိတ်ဆိတ်မှုကို နှစ်ချိုက်လွန်း သော သူ့အတွက်တော့ အတော့်ကိုစိတ်ကျေနပ်ဖွယ်ကောင်းသော ရွေးချယ်မှုတခုပင်။

တသက်လုံး အစိုးရတရားသူကြီ်း အဖြစ်အမှုထမ်းခဲ့ရ၍ ဝန်ထမ်းများအတွက်ပေးတဲ့ အိမ်တွေမှာနေခဲ့ရလို့ မိမိစိတ်ကြိုက် အိမ်ဖွဲ့စည်းမှုမျိုး ရွေးချယ်ခွင့်မရခဲ့။ ပင်စင်ယူဖို့ နှစ်အနည်းငယ်အလိုကမှ ဒီမြို့လေးကို သူ့စိတ်ကူး ဖြင့်ရွေးချယ်ခဲ့ခြင်းဖြစ်သည်။ သူလိုချင်တဲ့ ပတ်ဝန်းကျင်အနေအထားကို ပွဲစားဖြစ်သူအားပြောပြပြီး ဝယ်ယူခဲ့ခြင်း ဖြစ်သည်။ ပွဲစားပို့ပေးတဲ့ ဓာတ်ပုံကြည့်ပြီး ပတ်ဝန်းကျင်အနေအထားကို သူငယ်ချင်း ဆရာဝန်ကြီးထံမှာ စုံစမ်းပြီးတဲ့နောက် ချက်ချင်းပင် ငွေချေကာ ဒီအိမ်ကြီးကို သူဝယ်ယူခဲ့သည်။

ခြံဝင်းတံခါး အမည်းရောင်မှာ ကနှုတ်ပန်းလေးတွေကို ရွှေရောင်သုတ်ထားတဲ့ ခြံဝင်းကျယ်တခုရှေ့မှာ စီးလာတဲ့ ကားရပ်လိုက်တယ်။ ခြံစောင့်ကောင်လေးက ဝင်းတံခါးကို အသင့်စောင့်နေတဲ့ပုံနဲ့ ဖွင့်ပေးလိုက်တယ်။ ခန်းနားလှ တဲ့ တိုက်အဝင်ပေါက်က ဆင်ဝင်တိုင်လုံးကြီးကို ခြံဝကနေတောင်လှမ်းမြင်နေရတယ်။ ခြံအဝင် ဂိတ်တံခါးနဲ့ ဆင်ဝင်အောက်ကို သွားတဲ့ လမ်းလေးရဲ့ တဖက်တချက်မှာတော့ နှင်းဆီပန်းတွေကို ရောင်စုံစိုက်ထားတာတွေ့ခဲ့ရ လို့ အတော်လေးကြည်နှုးခဲ့မိသေးတယ်။

အိမ်ကြီးရဲ့ ထည်ဝါခန့်ငြားမှုကို အုပ်ကျွပ်မိုးနီနီတွေက ပံ့ပိုးထားသည်။ အိမ်ထဲကို မဝင်သေးပဲနဲ့ အိမ်ကြီးကို သူတပတ်ကြည့်နေမိသည်။ အိမ်ကြီး က စစ်ပြီးခေတ်မှာဆောက်လုပ်ထားပုံရပေမဲ့ အဆက်မပြတ် ကောင်းမွန်စွာ ပြုပြင်မွန်းမံ့ထားတဲ့အတွက် အိုဟောင်းမသွားပဲ ပိုလို့ထည်ဝါနေသေးသည်။ ဆက်လျှောက်လာရင်း အိမ်နောက် ဘက်ကိုရောက်လာသည်။ အိမ်နောက်ဘက်မှာ အပေါ်ထပ်ကိုတက်တဲ့ ကြောင်လိမ်လှေခါး တခုရှိသည်။ တွေ့ရမြင်ရသမျှတော့ အတော်လေးကို သူသဘောနှင့်တိုက်ဆိုင်သောအိမ်ကြီးပေပဲ။

အိမ်ရှေ့ဘက်ကိုပြန်ရောက်တော့ ခြံစောင့်ကောင်လေးနှင့် ကားမောင်းသူအပါအဝင် အခြားသူမတွေ့ဘူး သေးတဲ့သူများကိုတွေ့လိုက်ရသည်။

"မင်္ဂလာပါ ဦးမင်းထင် ခင်ဗျား .. ကျနော်က ဦးဘိုးခင်ပါ။ ဒီအိမ်အတွက် အစစအရာရာ လိုအပ်တာတွေလုပ်ပေးဖို့ ဆရာဝန်ကြီး ဦးအေးမောင်က မှာထားပါတယ်။ ဒါကတော့ ခြံစောင့်တာဝန်ယူတဲ့ မောင်ကိုပါ။ ဒါကတော့ ထမင်းချက် ဒေါ်နော်။ ဒါကတော့ ဦးမင်းထင် သိပြီးတဲ့ အတိုင်း ယာဉ်မောင်း မောင်မြပါ။"

သူနဲ့ အသက်ရွယ်တူရှိမဲ့ ဦးဘိုးခင် ရဲ့ တယောက်ခြင်း မိတ်ဆက်ပေးသမျှကို သူ ပြုံးရင်းနှုတ်ဆက်လိုက်တယ်။ ခရီးပန်းလာလို့ အနားယူချင်နေပြီဖြစ်တာကို ရိပ်မိတဲ့ ဦးဘိုးခင်ကပဲ ဦးဆောင်ပြီးသူ့ကို အိမ်ထဲကိုခေါ်လာခဲ့တယ်။ အိမ်အဝင်ဝက တရုတ်ကြွေပန်းအိုးကြီး နှစ်လုံးက သူ့အမြင်ကိုစွဲဆောင်နေတယ်။ ဧည့်ခန်းကိုဖြတ်ပြီးတော့ သူတို့ လျှောက်လာတော့ တံခါးပိတ်ထားတဲ့ အခန်းတခုကို သူသတိထားမိသွားတယ်။ ဘာအခန်းလဲ လို့မေးကြည့် မိတော့ စာကြည့်ခန်းဖြစ်နေသည်။

အပေါ်ထပ်ကိုတက်တဲ့လှေကား ပေါ်ကိုခြေချလိုက်မိတော့မှ လှေကားရဲ့ ထိပ်နံရံမှာ ထူးခြားတဲ့ မျက်နှာဖုံးတခုကို ချိတ်ထားတာတွေ့လိုက်ရလို့ မေးကြည့်လိုက်တော့။

"ဟုတ်ပါတယ် ဆရာ … အရင်အိမ်ပိုင်ရှင်က ဒီလိုမျက်နှာဖုံးတွေ စုဆောင်းရတာ ဝါသနာပါတယ်။ ဒါမျိုးမျက်နှာဖုံးတွေ အခန်းတိုင်းနီးပါးရဲ့ နံရံတွေပေါ်မှာရှိတယ်ဆရာ။ အရင်ပိုင်ရှင်က သံတမာန်ဟောင်းတဦး ဆိုတော့ မျက်နှာဖုံးတွေကို နိုင်ငံပေါင်းစုံက လက်ရာတွေစုဆောင်းထားလေ့ရှိတယ်။ ဆရာ မကြိုက်ရင် ဖြုတ်ပစ်လိုက်ရမလား…"

ဦးဘိုးခင်ကို သူလက်ကာပြလိုက်တယ်.. "မဖြုတ်ပါနဲ့ သူဘာသူကြည့်ကောင်းနေသားပဲ" မျက်နှာဖုံးပုံစံကို ကြည့်တာနဲ့တင် ဂျပန်ပြည်က လက်ရာဆိုတာတော့ သတိထားလိုက်မိတယ်။ ပြဇာတ်ကရာမှာ ဝတ်ဆင်လေ့ရှိတဲ့ မျက်နှာဖုံးမျိုး။ မျက်နှာဖုံး အသွင်က အနည်းငယ် အကျည်းတန်သည်။

အရင်အိမ်ပိုင်ရှင် သေဆုံးသွားလို့ ကျန်ရစ်သူမိသားစုဆီက ဒီအိမ်ကို သူပြန်ဝယ်လိုက်တာပဲ။ သူတို့ကလည်း အိမ်ထောင်ပရိဘောဂ ပစ္စည်းများအားလုံးကို တပါတည်းထားပစ်ခဲ့ကြသည်။

အပေါ်ထပ်ကိုရောက်တော့ လှေကားထိပ်က အခန်းကို ဦးဘိုးခင်က ဖွင့်ပေးသည်။ အခန်းထဲမှာ သူ့ရဲ့ အိတ်ကို ကုတင်ခြေရင်းမှာချထားတာတွေ့ရသည်။ သူ့ကိုထားခဲ့ပြီး ဦးဘိုးခင်ပြန်ဆင်းသွားတော့ အခန်းကိုလိုက်ကြည့်မိ တော့… ။ ကုတင်ရဲ့ ခေါင်းရင်းတည့်တည့်နံရံပေါ်မှာ လှပတဲ့ အမျိုးသမီးအသွင် မျက်နှာဖုံး တခုကို ထပ်တွေ့ ရပြန်တယ်။

ဒီတခါမျက်နှာဖုံးကတော့ ကြည်လဲ့တဲ့ အပြာရောင်နဲ့ ရွှေရောင်ရောစပ်အသုံးပြုထားပြီး။ ဦးခေါင်းထိပ် မှာ အပြာရောင်ရင့်ရင့်ဌက်မွေးတောင်တွေနဲ့အလှဆင်ထားသည်။ နီညိုရောင်ကတ္တီပါ နောက်ခံနံရံ နှင့် ကြည်ပြာ ရောင် မျက်နှာဖုံးလိုက်ဖက်မှုကိုကြည့်ရင်း အရင်အိမ်ရှင်ရဲ့အနုပညာဆန်မှုကို သူ မလေးစားပဲမနေနိုင်အောင် ဖြစ်ရသည်။ အခန်းကို စိတ်ကြိုက်လှည့်ပတ်ကြည့်ရှုပြီးတော့မှ သူရေချိုးခန်း ဘက်ကိုခြေလှမ်းပြင်လိုက်သည်။

ရေချိုးခန်းထဲမှာတော့ မျက်နှာဖုံး တခုမှ ချိတ်ဆွဲထားခြင်းမရှိတာကို သတိထားမိလို့ တကိုယ်တည်းပြုံးမိလိုက် တယ်။ ရေချိုးပြီးတော့ ခုတင်ပေါ်မှာ လှဲလိုက်ရင်း လေယာဉ်ပျံစီးခဲ့ရလို့ ညောင်းညာနေတဲ့ ခန္ဓာကိုယ်ကိုဆန့်ရင်း အိပ်မောကျသွားခဲ့တာ ညစာစားဖို့ ဦးဘိုးခင်လာနိုးမှပဲ နိုးတော့တယ်။

ညစာကို စားပွဲမှာ အဆင်သင့်ခူးထားသည်။ ညစာစားပြီးတော့ သူ စာကြည့်ခန်းဘက်ကို လျှောက်လာလိုက်တယ်။ အခန်းကို ဝင်ဝင်ခြင်းတွေ့လိုက်ရတဲ့ အပြင်အဆင်နဲ့တင် သူစိတ်ကြိုက်ဖြစ်နေတယ်။ သူ မရောက်ခင်ထဲက ကြိုတင်ပို့ထားတဲ့ သူ့တသက်တာ စုဆောင်းထားတဲ့ စာအုပ်တွေက ဦးဘိုးခင် စီစဉ်ထားမှုကြောင့် နံရံကပ်ဘီဒို တွေထဲမှာ စနစ်တကျရှိလို့နေတယ်။

အခန်းရဲ့ အလယ်ကကျွန်းစားပွဲကြီးဆီကို လျှောက်လာပြီး ကုလားထိုင်မှာဝင်ထိုင်လိုက်တယ်။ စားပွဲရဲ့ မျက်နှာချင်း ဆိုင်နံရံပေါ်တွင် မျက်နှာဖုံးတွေ ချိတ်ဆွဲထားတယ်။ အီတာလီနိုင်ငံ ဗင်းနစ်မြို့မှာ နှစ်စဉ်ကျင်းပတဲ့မျက်နှာဖုံးတပ် ပွဲတော်မှာ ဝတ်ဆင်လေ့ရှိတဲ့ ဂျိုကာပုံစံမျက်နှာဖုံး၊ ဌက်မွေးတွေနဲ့လှပတဲ့ ရွှေရောင်အနားကွပ် မျက်နှာဖုံးတွေ အပြင်၊ သူတခါမှမမြင်ဘူးတဲ့ ဘယ်နိုင်ငံတွေကမှန်း မသိနိုင်တဲ့ မျက်နှာဖုံးပုံများကို နံရံမှာချိတ်ဆွဲထားတယ်။ အမည်းရောင်ကတ္တီပါ နောက်ခံနဲ့မို့ မျက်နှာဖုံးတွေကို ရုပ်လုံးပိုကြွနေစေတယ်။

ဒီအိမ်ပိုင်ရှင်က ဘာလို့ မျက်နှာဖုံးပုံတွေကိုမှ ရွေးချယ်စုဆောင်းခဲ့တာလဲဆိုတာကို သူ ပထမဆုံးအကြိမ် စဉ်းစားဖြစ်သွားတယ်။ ဒီမျက်နှာဖုံးပုံတွေက ထူးခြားနေတာတော့ အမှန်ပင်။ လှပတယ် ထည်ဝါတယ် ခန့်ညား တယ်။ တွေ့မြင်လိုက်သူတွေရဲ့ စိတ်ကိုလှုပ်ရှားသွားစေတယ်။ ဒါပေမဲ့ မျက်နှာဖုံးတွေရဲ့ ဟောင်းလောင်းပေါက် ဖြစ်နေတဲ့ မျက်လုံးနေရာတွေကတော့ သိပ်နှစ်မျို့စရာမကောင်းလှ။ ဘာလို့ မနှစ်မျို့တဲ့ ခံစားမှုဖြစ်တယ်ဆိုတာ သူကိုယ်တိုင်လည်း သေချာမသိ။ မျက်လုံးနေရာတွေက သူ့စိတ်ကို မသိုးမသန့်ဖြစ်စေသည်ဟု ခံစားနေရသည်။

သူ စာကြည့်စားပွဲမှာထိုင်ပြီး စာအုပ်တအုပ်ကို ဖတ်နေလိုက်သည်။ စာသာဖတ်နေသည် စိတ်က စာထဲမှာသိပ်မရှိ တစုံတယောက်က သူ့ကိုကြည့်နေသလိုလိုခံစားနေရသည်။ စာဖတ်နေလက်စကိုရပ်ပြီး ဦးခေါင်းကို မော့ကြည့်ပြီး မျက်နှာတူရှုကိုကြည့်လိုက်မိတော့ နံရံပေါ်က မျက်နှာဖုံးများရဲ့ မျက်လုံးဟောက်ပက်များနှင့် သူ့မျက်လုံးတွေ သွားဆုံလေသည်။ မဖြစ်တော့ သူစာဆက်ဖတ်လို့ ဘယ်လိုမှဖြစ်မည်မထင်တော့။

ဒီလှပသော မျက်နှာဖုံးတွေက ထင်ထားတာထက် သူ့ကို အနှောင့်အယှက်ပေးနေပြီ။ အသက် ၆၀ ကျော် ပင်စင်ယူပြီး အိုကြီးအိုမကျခါမှ သူရဲတစ္ဆေကို မယုံကြည်သောသူ့ အတွက် ဘာများ စိတ်မသိုးမသန့်ဖြစ်နေရတာ ပါလိမ့် သူကိုယ်သူ မကျေနပ်ပြန်တွေးမိသည်။ သူစိတ်ပျက်စွာထိုင်ရာမှ ထလိုက်သည်။ ခရီးလည်း ပန်းလာတယ် ဆိုတော့ စောစောအိပ်လိုက်တာက အကောင်းဆုံးဖြစ်မည်။

အပေါ်ထပ်ကိုတက်တဲ့ လှေကားထိပ်မှာ ချိတ်ထားတဲ့ မျက်နှာဖုံးပုံကိုတော့ သူမျက်နှာချင်းမဆိုင်ဖြစ်အောင် လှေကားထစ်တွေကို ငုံကြည့်ပြီးတက်လာခဲ့သည်။ အခန်းထဲရောက်တော့ ခေါင်းရင်းနံရံမှာ ချိတ်ထားတဲ့ ကြည်ပြာ ရောင်မျက်နှာဖုံး ရဲ့ မျက်လုံးများကိုလည်း မကြည့်ဖြစ်အောင် ရှောင်တိမ်းနိုင်လိုက်သည်။ ညသောက်စရာရှိတဲ့ ဆေးသောက်ပြီး။ ကိုယ်လက်ဆေးကြောသုတ်သင်ကာ သူ အိပ်ရာဝင်သည်။ အိပ်ရာပြောင်းဖြစ်လို့ အတော်နဲ့ သူအိပ်မပျော်…. ဟိုဒီတောင်စဉ်ရေမရ အတွေးတွေလျှောက်တွေးနေမိသည်။ သူ အခြေချတော့မဲ့ မြို့လေး အကြောင်းရော .. အိမ်သစ်အကြောင်း.. ပင်စင်ယူခဲ့တဲ့ အလုပ်အကြောင်းတွေပါ တောင်စဉ်ရေမရ စဉ်းစားနေမိ သည်။

လေပြေလေးညင်ညင်သာသာ တိုက်ခတ်သလိုခံစားရတဲ့ အခိုက်မှာ မှေးကနဲတချက်ဖြစ်သွားသည်။

သူ့မျက်လုံး တွေကိုဖွင့်ကြည့်လိုက်တော့ အဖြူရောင်အခန်းတခုထဲမှာရောက်နေသည်။ ရှေ့တည့်တည့်ရှိ တံခါးချပ် ကို ဆွဲဖွင့်လိုက်တော့ တရားစစ်ဆေးနေသည့် တရားခွင်ဖြစ်နေသည်။ သူကပရိသတ်တွေထိုင်သည့် နေရာတွင် ဝင်ထိုင်လိုက်သည်။ ထူးခြားနေသည်က တရားစစ်ဆေးသူများအားလုံး မျက်နှာဖုံးများ ဝတ်ဆင်ထားခြင်းပင်။ တရားသူကြီး ရဲ့ ရှေ့တည့်တည့် တရားစစ်ခံသောနေရာတွင် တရားခံတယောက်ရှိနေသည်။

ထိုသူသည် သူခိုးမျက်နှာဖုံးကို ဝတ်ဆင်ထားသည်။ ထိုသူသည် အပြစ်ဒဏ်ကျခံရမည်ကို ကြောက်ရွံ့နေရမည့် အစား လူအားလုံးကိုမထေမဲ့မြင်ပုံစံနှင့်ခါးထောက်ပြီး တရားစီရင်ချက်ကို နားထောင်နေလေသည်။ တရားခံဖြင့် မတူသောတရားခံတယောက်ပင်။ ပို၍ထူးခြားသည်က တရားသူကြီးသည် ရွှေရောင်နှင့် ငွေရောင်ရောစပ်ထားပြီး ကျောက်မျက်ရတနာတွေ စီချယ်ထားတဲ့ ချောမောလှပသော မိန်းမပျိုမျက်နှာဖုံးကို ဝတ်ဆင်ထားသည်။ ဂျူရီ လူကြီးမင်းများသည်လည်း အမျိုးမျိုးသော မျက်နှာဖုံးများကို ဝတ်ဆင်ထားကြသည်။

ဂျူရီလူကြီးမင်းများက တီးတိုးတိုင်ပင်ပြီးနောက် သူတို့၏ ဆုံးဖြတ်ချက်ပါစာအိတ်ကို တရားသူကြီးထံ လူရွှင်တော် မျက်နှာဖုံးတပ်ထားသူ ဂျူရီလူကြီးမင်းက လှမ်းပေးလိုက်သည်။ တရားသူကြီးသည် တရားခံအားအမှုမှ ကွင်းလုံး ကျွတ်လွှတ်လိုက်ကြောင်း ကြေညာလိုက်လေသည်။ တရားခံ၏မူလက မထေမဲ့မြင်ပုံစံမှာပို၍ ဆောင့်ကြွားကြွား နိုင်စွာဖြင့်အခန်းထဲမှထွက်ခွာသွားတော့သည်။ တရားသူကြီးနှင့်တကွ ဂျူရီလူကြီးများအားလုံးလည်း ထွက်ခွာ သွားကြသည်။

သူသည် နေရာမှမထပဲ စိတ်ညစ်ညူးလာသည်။ ပုံမှန်မဟုတ်သည့်တရားစီရင်ပုံကိုကြည့်ပြီး တရားသူကြီးနှင့်တကွ ဂျူရီလူကြီးမင်းမျာ်း ဘက်လိုက်စွာဆုံးဖြတ်ခဲ့သည်ကို အော်ကလီဆန်စွာတွေးမိလာပြီး ပျို့အန်မိတော့ မလိုဖြစ် လာသည်။ ခနနေတော့ ခုနက တရားသူကြီးပြန်ထွက်လာပြီး ကုလားထိုင်မှာ ထိုင်လိုက်ပြန်သည်။ ဂျူရီလူကြီး တွေလည်း သူတို့နေရာပြန်လာထိုင်နေကြပြန်သည်။ နောက်ထပ် အမှုတခုကို စီရင်ချက်ချဖို့ အတွက် တရားခံကိုခေါ်ထုတ် လာဖို့ တရားသူကြီးမှ အမိန့်ပေးလိုက်သည်။

ဒီတခါတော့ တရားသူကြီးသည် စုန်းကဝေတကောင်ကဲ့သို့ ကောက်ကျစ်စဉ်းလဲသော မျက်နှာဖုံးကိုဝတ်ဆင် ထားသည်။ မျက်နှာဖုံးအရောင်မှာသွေးကဲ့သို့ နီရဲနေသည်ကို ကြည့်ပြီး ရှေ့ဆက်ဘာတွေဖြစ်မလည်းဆိုပြီး သူ စိတ်စောနေသည်။ တရားခံကိုခေါ်ထုတ်လာကြသည်။ တရားခံသည် အဖြူနှင့်ရွှေရောင်ရောစပ်ထားသော တည်ကြည်လေးမြတ်သည့် သူရဲကောင်းလူငယ်တဦး၏ မျက်နှာဖုံးကို ဝတ်ဆင်ထားသည်။ လူငယ်၏ မျက်နှာဖုံးမှ တောက်ပ သောအရောင်များကြောင့် တရားခွင်တခုလုံးပို၍ လင်းထိန်နေတော့သည်။

လူငယ်သည် တရားသူကြီးရှေ့တွင် ရဲရင့်စွာထည်ဝါသောကိုယ်နေဟန်ဖြင့် စီရင်ချက်ချမည်ကို စောင့်စားနေသည်။ ဂျူရီလူကြီးများက ထုံးစံအတိုင်းပင် တီးတိုးတွတ်ထိုးနေကြပြန်သည်။ တချို့က ဆုံးဖြတ်ချက်ချရမည်ကို ချီတုံ ချတုံဖြစ်နေကြပုံရှိနေသည်။ တခေါက်ထပ်၍တိုင်ပင်ကြပြန်သည်။ ဂျူရီလူကြီးများရဲ့ ဆုံးဖြတ်ချက်ကို စောင့်နေ သော တရားသူကြီးက စိတ်မရှည်စွာဖြင့်ချောင်းတချက်ဟန့်လိုက်သည်။ ဗြုန်းဆို တံခါးရွက်များ လေခပ် ပြင်းပြင်း တိုက်ခတ်သကဲ့သို့ အရှိန်ပြင်းစွာပွင့်ထွက်သွားပြီး တကိုယ်လုံးအစိမ်းရင့်ရောင်ဝတ်စုံဖြင့် မြေခွေးမျက်နှာဖုံးတပ် ထားသူ လူတဦးဝင်လာသည်။ လက်ထဲတွင်လည်း အနက်ရောင်စာအိတ်ကြီး တအိတ်ကို ယူဆောင်လာသည်။

ထိုသူကိုတွေ့လိုက်သည်နှင့် တရားသူကြီးမင်းသည် ထိုင်နေရာမှထ၍ အရိုအသေပေးမိတော့မတတ် လှုပ်လှုပ် ရှားရှားဖြစ်သွားသည်။ ထိုအစိမ်းရောင်ဝတ်စုံနှင့်လူသည် မည်သူ့ကိုမှ ဂရုမစိုက်သည့်ဟန်ပန်ဖြင့် တရားသူကြီး နေရာသို့ သွား၍လက်ထဲ၌ကိုင်ဆောင်လာသော အနက်ရောင်စာအိတ်ကြီးကို တရားသူကြီးကိုပေးလိုက်သည်။ တရားသူကြီးသည် စာအိတ်ကိုဖွင့်ဖတ်ပြီးနောက် အားရကျေနပ်ဟန်ဖြင့်ခေါင်းကိုငြိမ့်လိုက်သည်။ ထို့နောက် သွားများကိုစေ့၍ထွက်လာသော အံကြိတ်သံဖြင့် စီရင်ချက်အမိန့်ကိုဖတ်လိုက်သည်။ ဂျူရီလူကြီးမင်းများသည် ဤအမှုတွင် အသုံးမဝင်တော့ချေ။ ဂျူရီလူကြီးတချို့၏ သက်ပြင်းချသံသဲ့သဲ့ကို သူကြားလိုက်ရသည်။

အခန်းထဲတွင် တရားသူကြီး၏ မနှစ်မျို့ဖွယ်ရာ စီရင်ချက်ဖတ်နေသံမှတပါး တိတ်ဆိတ်နေသည်။ သူသည်မိမိ၏ အသက်ရှုသံကို ပြန်ကြားနေရသည့် တိတ်ဆိတ်ငြိမ်သက်မှုမျိုးကြောင့် စိတ်မသက်မသာဖြစ်လာသည်။ တရားခံ လူငယ်၏ မတုန်မလှုပ်နားထောင်နေသည်ပုံမှာ သူ့အား မလေးစားပဲမနေနိုင်လောက်အောင်ဖြစ်လာသည်။ လူငယ် ၏ မျက်နှာဖုံးမှ ဝင်းဝါသောအရောင်များသည်လည်း ပို၍ထိန်လင်း တောက်ပလာနေသည်။

စီရင်ချက်ဖတ်ကြားပြီးအဆုံးတွင် အမိန့်ကိုဖတ်ကြားနေသော တရားသူကြီး ၏ မျက်နှာဖုံးအရောင်သည် သွေးပုပ် ရောင်ကိုပြောင်းလွဲသွားတော့သည်။ လူငယ်အား သေစားသေစေအမိန့်ချမှတ်လိုက်သည်။ တရားခွင် လာရောက် နားထောင်သောပရိသတ်၏ ကန့်ကွက်သံတို့ဖြင့် တရားခွင် တခုလုံး အုတ်အော်သောင်းနင်း ဖြစ်နေတော့သည်။ တရားသူကြီး၏ စားပွဲကိုထုရိုက်သံသည် လူတို့၏ ဆူညံ့စွာ ငြင်းခုံမှုများအောက်တွင်ပျောက်ဆုံးနေတော့သည်။

တရားသူကြီးသည် လူများသူ၏ အမိန့်ကိုမနာခံသဖြင့်ပို၍ ဒေါသပေါက်ကွဲလာတော့သည်။ ဒေါသပိုပြင်းထန်လာ လေ စုန်းကဝေမျက်နှာဖုံးသည် သွေးများယိုစိမ့်ထွက်ကျလာတော့မည်ကဲ့သို့ နီရဲ လာနေသည်။ ဘေးပတ်ဝန်းကျင် ရှိ မြင်ကွင်းများကြောင့် သူ စိတ်မသက်မသာဖြစ်လာသည်။ ဆူညံ့သောအသံများကြောင့် အာရုံကြောတွေ ကိုက်ခဲလာသည်ကို ဆက်လက်၍ သည်းမခံနိုင်သည့် အဆုံး နေရာမှ ထရပ်လိုက်သည်။

တရားသူကြီး ၏ ကျယ်လောင်သော အမိန့်ပေးသံ အဆုံးတွင် မျက်နှာဖုံးတပ်လူများက သူ့ကို ဖမ်းချုပ် လိုက်ကြသည်။ သူအာခေါင်တွေကွဲမတတ် သူအပြစ်မရှိကြောင်းရှင်းပြနေသော်လည်း။ တရားခွင်ရဲ့ ပွက်လောရိုက် နေသော အသံများအောက်တွင် တိုး၍မပေါက်နိုင်ဖြစ်နေတော့သည်။ နောက်ဆုံးတော့ သူ ကိုယ်တိုင်လက်ကို ကြိုးများဖြင့်တုပ်နှောင်ခံထားရပြီး တရားအစစ်ခံရသောနေရာတွင် ရပ်နေလျက်သားဖြစ်နေသည်။ တရားသူကြီး သည် မျက်နှာအမူရာသုံးမျိုးပါရှိသော မျက်နှာဖုံးကို ဝတ်ဆင်ထားပြန်သည်။

သူသည် တရားစီရင်ရာတွင် မျှတမှုမရှိသောတရားသူကြီး ကိုကြောက်ရွံ့ပြီး ကိုယ်ခန္ဓာတခုလုံးတုန်ခါနေတော့ သည်။ မျက်နှာခြင်းဆိုင်မှာရှိသော တရားသူကြီး ကို မော့အကြည့်တွင် မျက်နှာဖုံးနောက်ကွယ် မှ မျက်လုံးများနှင့် သွားဆုံသည်တွင် လိပ်ပြာလွင့်မတတ် ထိတ်လန့်သွားရသည်။

တရားသူကြီး၏မျက်လုံးများသည် သူ့မျက်လုံးများ ….. သူ၏မျက်လုံးများဖြစ်လို့နေသည်။ သူသေချာအောင် ထပ်ကြည့်သည်… အထပ်ထပ် .. အခါခါ … အခေါက်ခေါက်… မျက်လုံးများ … သူ့မျက်လုံးများ.. ရှက်ရွံ့ဝမ်းနည်းသည့်ခံစားချက်ကြောင့် ရင်ထဲ၌နာကျင်လာသည် …. အပြစ်မရှိသော လူငယ်လေးတဦးကို သေစားသေစေအမိန့်ချမှတ်ခဲ့သော ကြံရာပါ ကောက်ကျစ်စဉ်းလဲသော တရားသူကြီး … ….သူကိုယ်တိုင် ဖြစ်နေသည်ကို မယုံကြည်နိုင်စွာ ဦးခေါင်းများကို ခါရမ်းပစ်မိနေသည် … မျက်လုံးထဲတွင် မျက်နှာဖုံးတပ်လူများ ၏ အရိပ်များယိမ်းထိုးကခုန်နေကြသည်… ………. ခေါင်းများမူးနောက်အောင် ရှက်ရွံ့သိမ်ငယ်သည့် ခံစားချက်က သူ့ကိုထိုးနှက် တိုက်ခိုက်လာသည်…. ထိုခနမှာပင် သူ့ခန္ဓာကိုယ်သည် လေထဲမှ အောက်ကိုတလိမ့်ခေါက်ကွေး ပြုတ်ကျသွားသည်…….။

တကိုယ်လုံးချွေးများရွှဲစိုပြီးသူနိုးလာသည်။ ညလယ်ကြီးမှာတယောက်ထည်း အိပ်မက်တွေမက်ပြီး သူနိုးလာခဲ့ သည်ပဲ။ အိပ်မက်သည် ပြန်လည်တွေးတောချင်စရာမကောင်းအောင်ကို ချောက်ချားစရာကောင်းလှ သည်။

အကယ်၍သာ အိပ်မက်ထဲကလို တရားမျှတမှုမရှိသော ဘက်လိုက်တတ်သော အဂတိလိုက်စားသော ကြံရာပါ တရားသူကြီးအဖြစ် အပြင်မှာသူကိုယ်တိုင်ရော တကယ်ဖြစ်ခဲ့ဘူးပါလားလို့ သူ့ရဲ့ လုပ်သက်တလျှောက်လုံး စစ်ဆေးကြားနာခဲ့သော အမှုများကို သူပြန်လည် စမ်းစစ်ကြည့်နေမိသည်။

သူသည် ဂတိ၊ အဂတိ ဆိုသော တရားတွေကို ဘဝတလျှောက်လုံး ကောင်းမွန်စွာစောင့်ထိန်းခဲ့သော တရားသူကြီး တဦးသာဖြစ်ခဲ့ကြောင်း သူကိုယ်သူ သေချာသွားမှပဲ သက်ပြင်းငွေ့ငွေ့ကို ဆွဲဆွဲငင်ငင်ချ လိုက်ရင်း စိတ်ချလက်ချ ပြန်လည်အိပ်မောကျသွားတော့သည်။ ။





စိုးသင့်ဆွေ
ဒီဇင်ဘာလ ၂၈ ရက်၊ ၂၀၀၈
နံနက် ၁း၆၅ မိနစ်

(ဓာတ်ပုံကို www.sxc.hu/profile/Slash41 ထံမှယူပါသည်



Read More...