Friday, December 5, 2008

မိတ်ဆွေများ ထံမှ ပေးအပ်လိုက်သောအရာ


မိတ်ဆွေကောင်းဆိုတာ လောကမှာတန်ဖိုးမဖြတ်နိုင်တဲ့ အရာပါတဲ့။ ကမ္ဘာပေါ်မှာရှိတဲ့ သတ္တဝါများဟာ ရေသတ္တဝါ တွေဖြစ်ဖြစ်၊ ကုန်းနေသတ္တဝါတွေပဲဖြစ်ဖြစ် မျိုးတူရာစုပေါင်း နေထိုင်တဲ့ စရိုက်သဘာဝရှိကြတယ် မဟုတ်လား။

ကျမတို့တွေဟာ လူ့ဘဝသက်တမ်း တလျှောက်လုံး မိမိရဲ့ ရောက်ရှိနေတဲ့ အသက်ထက်များပြားတဲ့ မိတ်ဆွေ သူငယ်ချင်းတွေ ရရှိခဲ့တယ် မဟုတ်ပါလား။ လူဆိုတာ တဦးတည်း အထီးကျန် မနေတတ်တဲ့ သတ္တဝါထဲမှာ ထိပ်ဆုံးက ပါတယ်လေ။

ကမ္ဘာပေါ်မှာ ရှိတဲ့ လူသားတိုင်းဟာ မိတ်ဆွေ အပေါင်းအသင်းကို လိုလားကြပါတယ်။ မိတ်ဆွေ သူငယ်ချင်း ဖြစ်အောင် တဦးနှင့်တဦး မိတ်ဖွဲ့ကြ၊ ခင်မင်ရင်းနှီးမှုကို တည်ဆောက်ကြပါတယ်။ မိတ်ဆွေ နှစ်ယောက်ရဲ့ ခင်မင်ရင်းနှီးမှု အတိုင်းအတာဟာ တယောက်ကို တယောက် ယုံကြည်မှုနဲ့ တိုက်ရိုက်အချိုးကျ တယ်ဆိုရင် လည်းမှားမယ် မထင်ပါဘူးနော်။

အရစ်စ် တိုတယ် (Aristotle) ရဲ့ အဆိုအမိန့်ကတော့ ခင်မင်ရင်းနှီးမှုဆိုတာ နှစ်ကိုယ့်တစိတ် လို့ဆိုပါတယ်။ ဟုတ်တယ်နော် မိတ်ဆွေ ဆိုတာ စရိုက်တူ အကြိုက်တူတွေမှ ရင်းရင်းနှီးနှီးပေါင်းဖြစ်ကြတာမဟုတ်လား။ တချို့ဆို ဘယ်လောက် အကြိုက်တူလည်းဆိုရင် အသုံးအဆောင်ပစ္စည်းတွေ က အစ အကြိုက်ခြင်းတူ နေတတ်ကြ တယ်လေ။

နောက်ပြီး မိတ်ဆွေကောင်းတွေဖြစ်ဖို့က တဦးကို တဦးက လေးစားမှုလည်းရှိဦးမှဖြစ်မှာလေ။ တယောက်နဲ့ တယောက် အပြန်အလှန်လေးစားမှု မရှိတော့တဲ့ ဆက်ဆံရေးဟာ အက်ကွဲနေတဲ့ မှန်တချပ်လိုပါပဲ။ အမြင်အရလည်း မကြည်လင် ထိခိုက်မိဖို့ အန္တရယ်လည်းရှိနိုင်တယ်ဆိုတော့ လွင့်ပစ်လိုက်တာကမှကောင်းသေး တယ်လေ။

မိတ်ဆွေ သူငယ်ချင်းကောင်းတွေမှာ ဘယ်သူက နောက်လိုက် ဘယ်သူကတော့ ခေါင်းဆောင်ဖြစ်ရမယ်ဆိုတဲ့ သတ်မှတ်ချက်တွေလည်း ကင်းရှင်းပြန်သေးတယ်။ ဟုတ်တယ်လေ ငါကတော့ ဗိုလ်လုပ်မယ် မင်းကတော့ ငါ့လောက်မှမတော်လို့ ငါ့တပည့်လုပ်ဆိုရင်တော့ ဒီလို အထက်စီးဆံတဲ့ ဆက်ဆံရေးမျိုးဟာလည်း ဘယ်မှာလာပြီး တော့ ကောင်းမွန်တဲ့ ဆက်ဆံရေးမျိုးဖြစ်လာပါတော့မလဲ။

ဒါကို အယ်လ်ဘတ် ကမြူး (Albert Camus) က ဒီလိုဆိုမိန့်ခဲ့တယ် ငါ့နောက်က မင်း လိုက်နေလို့လည်း ငါဦးဆောင်လိမ့်မည် မဟုတ်၊ မင်းရှေ့ကသွားနေလို့လည်း မင်းနောက်လိုက် ငါဖြစ်လိမ့်မည် မဟုတ်၊ ငါ့ နံဘေးမှာ သူငယ်ချင်းအဖြစ်နဲ့ အတူတူလျှောက်စမ်းပါ၊ သူပြောတာလည်း ပညာရှိစကားမို့ မှန်လိုက် တာနော် ။

နောက်ပြီးတော့ မိတ်ဆွေကောင်းတို့ မည်သည် ဝေဖန်ပိုင်းခြား အကြံပေးမှုလည်းလုပ်ရပါသေးတယ်။ အမုန်းမခံ နိုင်လို့ဆိုပြီး မိမိ မိတ်ဆွေမှားနေတာကြီးကို မပြောပဲ သူဘာသူနောက်မှားတော့မှ သိသွားလိမ့်မယ် ဆိုတဲ့ အတွေးမျိုးရှိတဲ့ ဆက်ဆံရေးဟာလည်းကောင်းမွန်တဲ့ မိတ်ဆွေစစ်တို့ဆက်ဆံရေးမဟုတ်ပြန်ဘူး။

အဲ….ဒါပေမဲ့ မှားနေတယ်လို့ထင်တဲ့ အကြောင်းကိုတော့ တေ့တေ့ဆိုင်ဆိုင် ပွင့်ပွင့်လင်းလင်း ပြောဆိုဝေဖန် လိုက်ပါ။ မျက်နှာချင်းဆိုင်မပြောချင်လို့ ကိုယ့်မိတ်ဆွေ နားထဲပြန်ပေါက်အောင်ဆိုပြီး တဖက်လှည့်နဲ့ တခြား သူတွေကို ပြောပြလိုက်တာဟာ သင့်မိတ်ဆွေ အမြင်မှာ သင်ဟာ နောက်ကွယ်မှာ အတင်းအဖျင်းပြော တတ်တဲ့သူဆိုပြီး အမြင်စောင်း သွားနိုင်သေးတယ်။

ဒါကို မာတင်လူသာကင်း ဂျုနီယာ (Martin Luther King Jr.) က ကျွန်ုပ်တို့ဟာ ရန်သူတို့ရဲ့ စကားသံတွေကိုသာ အမှတ်ရသင့်သည် မဟုတ်၊ မိတ်ဆွေတို့ရဲ့ ဆိတ်ဆိတ်နေမှုကိုလည်း အမှတ်ရသင့် ပေသည်။ ဒီတော့ မပြောမဆို ခပ်မဆိပ်မနေကြနဲ့နော်။

မိတ်ဆွေ လိုလို သူငယ်ချင်းလိုလို နဲ့ နောက်ကြော ဓါးနဲ့ ထိုးတဲ့သူတွေကိုတော့ နောက်နောက်ပြောင်ပြောင်နဲ့ "Frenemies" Half Friend, Half Enemy လို့ နာမည်သစ်ထွင်ထားသေးတယ်။ မှတ်သားစရာပေါ့လေ။ ဘဝမှာ သိက္ခာမရှိတဲ့ မိတ်ဆွေနဲ့ စီးချင်းထိုးရတာမျိုးထက်စာရင် ရန်သူနဲ့စီးချင်းထိုးရတာ ပိုပြီး ဂုဏ်ယူဖို့ ကောင်းတယ် မဟုတ်ပါလား။ သိက္ခာမရှိတဲ့ မိတ်ဆွေတွေနဲ့ စီးချင်းထိုးရတာ ဝမ်းနည်းရင်နာစရာ လည်းကောင်း တန်ဖိုးရှိတဲ့ အချိန်တွေကို လည်းဖြုန်းပစ်သလိုဖြစ်တာမို့ ဘာအကျိုးမှမရှိပါဘူး။

ရန်သူ့ရဲ့ ရန်သူ ဟာ မိတ်ဆွေ ပါတဲ့ ဒါဆှို ရန်သူ့ ရန်သူဟာကိုယ့်မိတ်ဆွေပေါ့။ ဒါကလည်း ပုံသေတော့ မဟုတ်ဘူးနော် ရန်သူ့ရဲ့ ရန်သူ ဟာ မိတ်ဆွေဆိုပေမဲ့ အဲဒီ မိတ်ဆွေက ဘယ်အတိုင်းအတာ အထိ ယုံကြည်ရမလဲ ဆိုတာစောင့်ကြည့်ရမယ်လေ။ ဘယ်အတိုင်းအတာအထိ ခင်မင်ရင်းနှီးမှု တည်ဆောက်နိုင် မလည်းဆိုတာ အရေးကြီးသေးတယ်။

အပေါ်က အဆိုအမိန့်နဲ့ ပြောင်းပြန်က ရန်သူ ရဲ့ မိတ်ဆွေ ဟာရန်သူ တဲ့။ ဒါကတော့လုံးဝ မှန်တာပေါ့ ရန်သူ့ မိတ်ဆွေပါဆိုမှ ကိုယ့် အကျုိးလိုလားတဲ့ သူဘယ်ဖြစ်ပါတော့မလည်း။

အဲ .. မိတ်ဆွေစစ်တို့မည်သည် တကိုယ်ကောင်းဆန်လို့လည်းမရသလို စွန့်လွှတ်အနစ်နာခံမှုလည်းရှိရသေး တယ်။ ကိုယ့် အတွက်ကြီးပဲ ကြည့်နေရင်လည်း ကောင်းမွန်အောင်မြင်တဲ့ ဆက်ဆံရေးဖြစ်လာမှာ မဟုတ်ဘူးပေါ့။ ကမ္ဘာကျော် ဟဲဗီးဝိတ်ချံပီယန် မိုဟာမက် အလီ (Muhammad Ali) ရဲ့ အဆိုအမိန့်ကတော့ ရင်းနှီးမှုဆိုတာ ကျောင်းသင်္ခန်းစာမှာ ပြဒါန်းမထားဘူး ၊ ဒါပေမဲ့ ရင်းနှီးမှု ရဲ့ အနှစ်အဓိပ္ပါယ်ကို မလေ့လာရသေးဘူး ဆိုရင် ခင်ဗျားဘာတခုမှ မလေ့လာထားသေးဘူးဆိုတာ သိသာပါတယ် တဲ့။

ခင်မင်ရင်းနှီးမှုဆိုတာ လူသားတယောက်ရဲ့ စိတ်ဓါတ်ရှင်သန်ဖို့ အရေးပါတဲ့အရာဆိုတာကိုတော့ ကမ္ဘာကျော် ကဗျာဆရာ လည်းဖြစ် ပန်းချီကျော်ကြီးလည်းဖြစ်တဲ့ ဝီလျံမ် ဘလိတ် (William Blake) က ဌက် အတွက် အသိုက်မြုံ၊ ပင့်ကူ အတွက် ပင့်ကူမျှင် ၊လူသား အတွက် ခင်မင်ရင်းနှီးမှု လို့ ဆိုမိန့်ခဲ့ပါတယ်။

ကျမတို့ရဲ့ ဘဝမှာ ကိုယ့်အသက်ထက်များပြားတဲ့ မိတ်ဆွေ သူငယ်ချင်းတွေ ရှိခဲ့ကြတယ်ဆိုတာ အမှန်ပါပဲ။ ငယ်ဘဝတုန်းက ခင်မင်ခဲ့တဲ့ သူငယ်ချင်းတွေ၊ ကြီးတော့မှ သိကျွမ်းတဲ့ မိတ်ဆွေတွေ၊ အလုပ်ထဲမှာ ကျောင်းခန်းထဲမှာ၊ အပြင်လောကမှာ၊ အလွှာစုံ အသက်အရွယ်မျိုးစုံ က လူတွေနဲ့ ရင်းနှီးကျွမ်းဝင်ခဲ့ကြသလို အသက်မသေဆုံးခင် အချိန်အထိလည်း အသစ် အသစ်သော မိတ်ဆွေ သူငယ်ချင်းတွေ ထပ်၍ပို၍ တွေ့လာဦးမှာ အသေအချာပဲလေ။

မိတ်ဆွေ သူငယ်ချင်းတွေ အခြင်းခြင်းကြားက နွေးထွေးတဲ့ခင်မင်ရင်းနှီးမှု၊ အကြံဥာဏ်တွေ နားလည်မှုတွေ ဟာ ကျမတို့ အတွက် စိတ်ဓါတ်ကို အားဆေးတိုက်ကျွေးသလို အရေးပါအရာရောက်ပါတယ်။ တဦးနဲ့ တဦး သူငယ်ချင်း ဖြစ်အောင်လုပ်ဖို့က လွယ်ကူသလောက် ခင်မင်ရင်းနှီးမှုခိုင်မြဲဖို့အတွက်တော့ အချိန်အတော်ကြာ တည်ဆောက် ယူရပါမယ်။

ကျမတို့တွေ ဟာ တယောက်ကိုတယောက် မိတ်ဖွဲ့ကြ နှုတ်ဆက်ကြ ဒီက တဆင့်တိုးပြီး အကြိုက်တူ၊ ဝါဒတူ၊ စရိုက်တူတွေဖြစ်တဲ့ လူတွေဆို ပိုလို့ ခိုင်မြဲတဲ့ ခင်မင်ရင်းနှီးမှုကို တည်ဆောက်တဲ့ အချိန်မှာ။ အခန့်မသင့် လို့ မိတ်ဆွေက ရန်သူဖြစ်သွားရတာတွေ၊ လမ်းခွဲလိုက်တာတွေ ရှိလာတဲ့ အခါမှာ ခွင့်လွှတ်တတ် ဖို့လည်း အရေးကြီးပြန်ပါသေးတယ်။
အမေရိကန် သမတဟောင်း ဂျွန်အက်ဖ် ကနေဒီ (John F. Kennedy) ကတော့ ဒီလိုဆိုပါတယ် သင့် ရန်သူကို ခွင့်လွှတ်လိုက်ပါ၊ ဒါပေမဲ့ သူတို့ နာမည်များကို သင်ဘယ်တော့မှ မမေ့ပါနဲ့ ။

ကျမတို့တွေဟာ ဒီလောကကြီးထဲကို ခဏတာရောက်ရှိလာသူတွေပါ ဒီလောကထဲက ပြန်ထွက်သွားရတဲ့ အချိန်မှာလည်း ပိုင်ဆိုင်သမျှတွေ အားလုံးကို ထားခဲ့ကြရမှာပါ။ ကျမတို့ယူသွားနိုင်တာ အနည်းငယ်ပဲရှိပါတယ် အဲဒါကတော့ ကျမတို့ ချစ်သောမိတ်ဆွေများ၏ ချစ်ခြင်းမေတ္တာတရား နဲ့ လွမ်းဆွတ်မှုတို့ ပဲဖြစ်ပါတယ်။ ။





စိုးသင့်ဆွေ
ဒီဇင်ဘာလ ၃ရက်၊ ၂၀၀၈
ည ၈း၄၅ မိနစ်

(ဓါတ်ပုံကို www.sxc.hu/profile/shirmpzaa မှ ယူပါသည်။ Free Photo Download ဆိုက်တခုဖြစ်ပါတယ်။)

11 comments:

လူလ said...

မင်္ဂလာပါ မမယော

ဖတ်ရှု့ အားပေးသွားပါတယ်။

Half Friend, Half Enemy တွေများတဲ့ လောကတခုမှာ မိတ်ဆွေစစ် တကယ့် ရှားပါး ကုန်ပစ္စည်းတခုလိုပါပဲ။

အလိုက်သိခြင်း၊ နစ်နာခံခြင်း၊ နားလည်တတ်ခြင်း၊ မျှဝေခံစားပေးခြင်း နှင့် အခက်အခဲတချို့ကို ကူညီပေးနိုင်ခြင်း စသော သူငယ်ချင်းကောင်းတို့ရဲ့  အပြုအမူတွေက တမိသားချင်းအတွက် ကျင့်နိုင်ခဲပါတယ်။ တော်များများက အပေါ်ယံ ပါးပါးလေးပဲ ဖြတ်လျှောက်နေတယ်လို့ ထင်သည်။
တော်တော် ကြိုးစားယူရမယ် ထင်၏။

နာမည်ကျော် လူပုဂ္ဂိုလ်များ၏ အဆိုအမိန့်တွေကို ရှာဖွေပြီး တင်ပြလိုက်တယ်ကိုက ကျွန်နော်တို့အတွက် ဗဟုသုတ တိုးပွားပါ၏။

အားပေးလျက်....
ရွှင်လန်းချမ်းမြေ့ပါစေ...

ပျူနိုင်ငံ said...

သိပ်ဟုတ်တာပေါ့ အမရယ် ကျနော်တို့က ရန်သူ
နာမည်ကို အလွယ်တကူ ခွင့်လွှတ်ပြီး မေ့တတ်လို့
အမြဲခံနေရတာလေ။ မှတ်သားစရာတွေ လက်ဆင့်
ကမ်းတာ ကျေးဇူးပါ အမ။

ဟန်လင်းထွန်း said...

တိုင်ဆိုင်မှုလို့ပဲဆိုရမလားပဲ။ ကျနော်လည်း အခုတလော သူငယ်ချင်းမိတ်ဆွေတွေကြောင့် စိတ်ညစ်နေရတယ်။

ကျေးဇူးပါပဲ

ကမာနီလာ said...

အဆိုအမိန့် အကိုးအကားလေးတွေနဲ့ ရေးပြသွားတဲ့ အတွက် အများကြီး ဗဟုသုတရသွားတယ်၊ အဖိုးတန်တဲ့ ပို့စ်လေးတခုပါဘဲဗျာ၊

ဆောင်းယွန်းလ said...

တန်ဖိုးရှိတဲ့စကားတွေကိုနာကြားသွားပါတယ်.
သိပ်ကိုကောင်းမွန်မှန်ကန်တဲ့အတွေးအခေါ်တွေနဲ့ပညာရှိ
တွေရဲ့အဆိုအမိန့်တွေကိုအချိန်ယူပေါင်းစပ်ပြီးရေးဖွဲ့ထား
တဲ့ပို့စ်တစ်ခုမှန်းသိသာပါတယ်ညီမရေ...
လူချင်းမတွေ့ဖူးဘဲဘလော့ခ်ပေါ်မှာဘဲခင်မင်ရင်းနှီးရတဲ့
မိတ်ဆွေတွေနဲ့ပတ်သက်တဲ့အတွေးအခေါ်အကြောင်း
အရာတွေရေးနိူင်မယ်ဆိုရင်လည်းဖတ်ချင်ပါသေးတယ်ညီမရေ...
ခင်မင်လျက်...

အလင်းစေတမန် said...

Friendship is love with understanding. လို.တော့ကြားဘူးတယ်ဗျ။

Yan said...

ဒီပို့စ်လေး တော်တော်ကောင်းတယ်ဗျာ.

အဲလ်ဘတ်စ်ကမြူးပြောတာလေး သိပ်ကောင်းတယ်.

ကျေးဇူးတင်ပါတယ် အစ်မရေ...

Mhaw Sayar said...

ကြီးကျယ်တဲ့ ဆောင်းပါး တစ်ပုဒ်ပါပဲဗျာ။ အရမ်းကောင်းပါတယ်။ ကျွန်တော် သိပ်ကြိုက်တဲ့ စကားလုံး တွေပါတဲ့ ဆောင်းပါး တစ်ပုဒ်မိုလို့ မှတ်မှတ်သားသား ယူသွားပြီဗျို့။ :)

မေငြိမ်း said...

တကယ်ကို မှတ်ထားသင့်တဲ့ အဆိုအမိန့်တွေပဲ..
အဲလိုမှပဲ ဖတ်ဖြစ်ရတော့တာ.. ကျေးဇူး

P.Ti said...

မမယောတို့စားရေးလည်းကောင်း စာဖတ်အားလည်းကောင်းတော့ စာကောင်းလေးတွေ ရေးတတ်တာပေါ့။

ဖတ်လို့လည်းကောင်း မှတ်လို့လည်းကာင်းတယ် အမ။

တကယ်ကောင်းလို့ပြောတာနော်...

မကောင်းရင် မကောင်းဘူးပြောမှာပဲ... အမရေးထားတဲ့ဒီစာကြောင်း တကယ့်ကိုမှန်တာပါပဲ...


မှားနေတယ်လို့ထင်တဲ့ အကြောင်းကိုတော့ တေ့တေ့ဆိုင်ဆိုင် ပွင့်ပွင့်လင်းလင်း ပြောဆိုဝေဖန် လိုက်ပါ။ မျက်နှာချင်းဆိုင်မပြောချင်လို့ ကိုယ့်မိတ်ဆွေ နားထဲပြန်ပေါက်အောင်ဆိုပြီး တဖက်လှည့်နဲ့ တခြား သူတွေကို ပြောပြလိုက်တာဟာ သင့်မိတ်ဆွေ အမြင်မှာ သင်ဟာ နောက်ကွယ်မှာ အတင်းအဖျင်းပြော တတ်တဲ့သူဆိုပြီး အမြင်စောင်း သွားနိုင်သေးတယ်။

paysatthu ပေးဆပ်သူ said...

မှတ်သားစရာအမှန်လေးတွေပဲဗျို့
ရန်သူရဲ့မိတ်ဆွေ ဟာရန်သူ ဆိုတာကိုတော့ သဘောမကျဘူး
စိုင်းထီးဆိုင်သီချင်းလိုပေါ့ ဘယ်အရာမဆို တဖက်စွန်းရောက်ရင်.... ပေါ့
သားနိုင်ငံရေးလုပ်လို့ အဖေကိုဖမ်းတဲ့ ခေတ်မှာ
ခြေမမကောင်းခြေမ ... လက်မမကောင်းလက်မ ဆို တဲ့ စကားလေးကို ပိုကြိုက်တယ်ဗျာ